Projekti i Shërbimeve të Integruara Shëndetësore (IHS), i financuar nga Agjencia Zvicerane për Zhvillim dhe Bashkëpunim (SDC), po mbështet zbatimin e agjendës kombëtare të reformës së sektorit shëndetësor.
Projekti katërvjeçar, do të fokusohet në kujdesin sekondar shëndetësor dhe ndërlidhjen e tij me kujdesin parësor shëndetësor në Kosovë, duke siguruar kujdes cilësor, të përballueshëm dhe të integruar për pacientët me kushte të sëmundjeve jo të transmetueshme me fokus të veçantë në grupet e cenueshme të popullsisë. Projekti zbatohet nga Instituti Zviceran i Shëndetit Publik dhe Tropikal.