THIRRJE PËR SHPREHJE INTERESI

Ekspert i Zhvillimit të Kurrikulave — Sektori i Përpunimit të Drurit

1. Konteksti

Shoqata e Përpunuesve të Drurit të Kosovës – Wood Cluster (SHPDK), me mbështetjen e LuxDev, Agjencia e Luksemburgut për Bashkëpunim Zhvillimor po implementon një projekt për ngritjen e kapaciteteve profesionale në sektorin e përpunimit të drurit. Pas finalizimit të Standardeve të Profesionit për dy profilet — Operator i Makinave CNC (Niveli 4 KKK) dhe Eco-Finisher (Niveli 4 KKK) — faza e ardhshme parasheh zhvillimin e kurrikulave të reja të bazuara në kompetenca (Korrik 2026).

Ky aktivitet realizohet me mbështetjen e projektit "Shkathtësitë për punësim të qëndrueshëm në Kosovë”, financuar nga Dukati i Madh i Luksemburgut dhe implementuar nga Ministria e Arsimit dhe Shkencës, dhe LuxDev, Agjencia e Luksemburgut për Bashkëpunim Zhvillimor.

Rezultati 2: Implementimi i trajnimit të bazuar në kompetenca për profilet CNC dhe Eco-Finishing

Aktiviteti: 2.2: Rishikimi i kurrikulave dhe zhvillimi i materialeve mësimore

Shënim: Kurrikulat janë tërësisht të reja — jo rishikim.

2. Pozicionet e Hapura

Kandidatët mund të aplikojnë për njërin ose të dy pozicionet. Aplikimi për të dy pozicionet kërkon ofertë financiare të veçantë për secilin pozicion.

3. Qëllimi i Punës

Eksperti i zgjedhur do të zhvillojë kurrikulën e re kompetencë-bazuare, modulare, të lidhur drejtpërdrejt me Standardin e Profesionit përkatës. Detyrat kryesore përfshijnë:

• Hartimi i planit të aftësimit (training plan) për kualifikimin, duke mbuluar të gjitha funksionet kryesore të Standardit të Profesionit
• Zhvillimi i kurrikulës modulare kompetencë-bazuare, e lidhur me aktivitetet kyçe, kriteret e performancës, njohuritë dhe shkathtësitë e SP-së
• Strukturimi i moduleve sipas Nivelit 4 të KKK dhe metodologjisë AKK
• Integrimi i standardeve ndërkombëtare të referuara në SP (ISO 9001, ISO 14001, ISO 19085, rregulloret BE etj.)
• Bashkëpunimi me SHPDK-në, MASHT-in dhe AKK-në për validimin dhe aprovimin e kurrikulës
• Dorëzimi i draft-it të parë dhe final sipas afateve të planit të punës

4. Plani i Punës dhe Afatet

Të dy ekspertët punojnë njëkohësisht gjatë periudhës 11 Maj – 9 Korrik 2026 (rreth 30 ditë pune secili).

5. Kriteret Profesionale (Termat e Referencës)

5.1 Kualifikime të detyrueshme

• Arsim universitar i nivelit Master ose Doktoratë në Arsim Teknik/Profesional, Inxhinieri, Shkenca Arsimore ose fushë të njëvlerëshme
• Minimumi 5 vjet eksperiencë të drejtpërdrejtë në zhvillimin e kurrikulave VET/AAP bazuar në kompetenca
• Eksperiencë e dokumentuar në të paktën 2 (dy) kurrikula VET të zhvilluara ose të rishikuara
• Njohuri të vërtetuara të Kornizës Kombëtare të Kualifikimeve (KKK) dhe metodologjisë AKK
• Njohuri të metodologjisë së hartimit të kurrikulave sipas strukturës SP (funksione, aktivitete kyçe, kritere performance, njohuri, shkathtësi, qëndrime)
• Eksperiencë e dokumentuar në të paktën 1 (një) projekt ndërkombëtar donatori

5.2 Kualifikime të preferuara — avantazh

• Eksperiencë në zhvillimin e kurrikulave për profilet CNC, Mekatronikë ose Eco-Finishing / Teknologji Sipërfaqësore
• Njohuri të proceseve dhe teknologjive CNC (G-code, CAM, parametra prerje) — për Pozicionin 1
• Njohuri të materialeve ekologjike të finishing-ut (vajra, dyllëra, bojëra uji, standardet FSC/PEFC/ISO 14001) — për Pozicionin 2
• Njohuri të standardeve ndërkombëtare: ISO 9001, ISO 14001, ISO 12100, ISO 19085, Rregullore BE 2023/1230
• Njohuri të proceseve të aprovimit të kurrikulave nga MASHT dhe AKK
• Eksperiencë në zhvillimin ose koordinimin e materialeve dygjuhësore (shqip/anglisht)
• Eksperiencë e mëparshme me projekte LuxDev ose donatorë të ngjashëm

6. Produktet e Pritura (Deliverables)

7. Dosja e Aplikimit

• CV-ja e plotë (në shqip ose anglisht), duke theksuar eksperiencën në zhvillim kurrikulash VET
• Lista e kurrikulave/projekteve të mëparshme të ngjashme (min. 2 VET) — me përshkrim të shkurtër
• Ofertë financiare — shumë fikse për kurrikulë (e veçantë për secilin pozicion nëse aplikohet për të dyja)
• Çdo dokument tjetër dëshmues i eksperiencës së deklaruar

8. Procedura e Aplikimit

Aplikimet pranohen në shqip ose anglisht, nëpërmjet njërit prej opsioneve:

• Me email në: [email protected]
• Ose në zarf të mbyllur pranë zyrave të organizatës SHPDK

Zarfi i mbyllur duhet të specifikojë:

1. Emri i plotë i aplikantit
2. Adresa e aplikantit
3. Pozicioni i aplikimit: Pozicioni 1 — CNC / Pozicioni 2 — Eco-finishing / Të dyja
4. Shënimi: “Mos të hapet përpara fazës së hapjes së ofertave të tenderit”

DATA E FUNDIT PËR DORËZIMIN E APLIKIMIT

4 Maj 2026 — ora 15:00

Afati final i kurrikulave: 9 Korrik 2026 | [email protected]