NJOFTIM

Mundësi për punë praktike në Programin e USAID-it Drejtësia Komerciale

Programi i USAID-it Drejtësia Komerciale ofron mundësi për punë praktike me pagesë për:

1. Prishtinë: Gjashtë (6) praktikantë me angazhim 50% dhe 100%
2. Gjakovë: Një (1) praktikant me angazhim 100%
3. Pejë: Një (1) praktikant me angazhim 100%
4. Prizren: Një (1) praktikant me angazhim 100%
5. Gjilan: Një (1) praktikant me angazhim 100%
6. Ferizaj: Një (1) praktikant me angazhim 100%
7. Mitrovicë: Dy (2) praktikantë me angazhim 50%
8. Suhareke: Një (1) praktikant me angazhim 50%

Për të gjitha pozitat mund të aplikojnë studentë ose të sapo-diplomuar në nivelin e studimit Bacholer në universitetet publike ose kolegjet private të akredituara në Republikën e Kosovës dhe mund të aplikojnë vetem kandidatët e drejtimit juridik.

Puna praktike do të mbahet në institucione të ndërlidhura me drejtësinë komeciale dhe partnerë të projektit, me kohëzgjatje prej gjashtë (6) muajsh deri në një vit me angazhim 50% ose 100% (varësisht prej kualifikimeve dhe institucionit ku do të vendosen).

Rreth Programit Drejtësia Komerciale

Programi i USAID-it Drejtësia Komerciale është projekt shtatë vjeçar, dhe ka për qëllim përmirësimin e cilësisë së drejtësisë komerciale, duke u përqendruar në reformat për zgjidhjen e mosmarrëveshjeve komerciale dhe zbatimin e vendimeve gjyqësore, që do të rregullojnë rrjedhën e duhur të lëndëve dhe do të përmirësojnë kapacitetin e Gjykatës Komerciale mbi të drejtën dhe procedurën komerciale. Programi gjithashtu do të punojë me institucione relevante në ndërtimin e profesionalizmit të sistemit të përmbarimit privat; pastaj, rritjes së kërkesës për të shfrytëzuar zgjidhjet alternative të mosmarrëveshjeve, dhe sigurimit që ligjet në fushën e të drejtës komerciale janë të harmonizuara dhe në përputhje me legjislacionin e Bashkimit Evropian dhe praktikat më të mira ndërkombëtare. Programi do të punojë për të përmirësuar komunikimin dhe bashkëpunimin midis sektorit privat, qeverisë dhe palëve të interesuara të shoqërisë civile në drejtësinë komerciale dhe do të angazhojë të rinjë si praktikantë për të ngritur njohuritë dhe përvojën e tyre në këtë fushë.

Kandidatët duhet të kenë:

• Shkathtësi në shkrim dhe hulumtim ligjor
• Aftësi për të punuar te pavarur dhe në ekip
• Aftësi të mira komunikimi
• Njohuri të avancuar të gjuhës angleze në shkrim dhe lexim
• Preferohen studentët me notë më të lartë mesatare
• Të rregjistruar në vitin e fundit në nivelin e studimeve Bacholer, ose të sapodiplomuarit në nivelin e studimeve-Bacholer.
  

Dokumentet e kërkuara:

Studentët e interesuar duhet të dorëzojnë:

• CV në gjuhë angleze
• Letër motivimi për interesimin ne fushën e të drejtës komerciale në gjuhën angleze
• Certifikatën e notave
• Vërtetimin nga fakulteti që është student ose kopjen e diplomës
  

Dexis është një punëdhënës me mundësi të barabarta dhe inkurajohen kandidatët e të gjitha prejardhjeve dhe përvojave të aplikojnë, duke perfshirë kandidatët nga pakicat etnike, personat me aftësi të kufizuara, komuniteti LGBTI etj.

Dokumentet e kërkuara dërgohen në adresën [email protected]. Data e fundit e aplikimit është 21 mars 2024 ora 16:00. Shënoni “Intern-qyteti (për të cilin jeni të interesuar)” në titullin e e-mail-it. Vetëm kandidatët në listën e ngushtë do te kontaktohen. Asnjë telefonatë nuk pranohet, dhe çfarëdo përpjekje për të kontaktuar programin Drejtësia Komerciale apo USAID-in do të rezultojë me diskualifikim të menjëhershëm.