Në bazë të Ligjit Nr. 08/L – 197 për zyrtarët publikë, Neni 39 (1,2,3,4,5 dhe 6) dhe Rregullores (QRK) NR. 15/2023 për pranimin dhe karrierën në shërbimin civil të Republikës së Kosovë, Neni 5 Ministria e Punëve të Brendshme shpall:

Konkurs

Aplikimi është i hapur për të gjithë kandidatët e interesuar.

Emri i grupit: Grupi i teknologjisë informative

Titulli i pozitës së punës: Administrator i Lartë I TI-së për Sisteme Telefonike

Klasa e pozitës: Profesional 1

Koeficienti/Paga:12

Nr. i kërkuar: 1

Kohëzgjatja e emërimit: Emërim me afat të pacaktuar

Data e njoftimit : 08/08/2024

Afati për aplikim: 09/08/2024 - 07/09/2024

Institucioni: Ministria e Punëve të Brendshme

Departamenti : Agjencia e Shoqerisë së Informacionit

Divizioni : Drejtorati i Rrjetavedhe Telekomunikimeve

Vendi i punës: Prishtine

Nr. i Referencës: RN00014771

Kodi: RPC0008310

Përshkrimi i përgjithshëm i punës

1. Dizajnon, administron, konfiguron, teston dhe përditëson pajisjet e sistemit telefonik, duke përfshirë: platformën telefonike, serverët e telefonisë VoIP, aparate telefonike, etj.;
2. Administron me sistemet qendrore si: DHCP Server brenda platformës VoIP, Sistemin për regjistrimin dhe provizionimin e pajisjeve telefonike, sistemin e certifikatave të telefonisë (SSL, TLS) brenda serverit, sistemet operative të telefonisë LINUX;
3. Menaxhon dhe administron me pajisjet e sistemeve telefonike në aspektin e sigurisë së komunikimit, aspektin e infrastrukturës fizike dhe logjike, nga pika fundore deri në pajisjet qendrore apo server;
4. Përcjellë zhvillimet e teknologjisë informative, protokolleve, shërbimeve të sistemeve të telefonisë, metodave të reja për aplikimin e tyre, gjithashtu kryen vizita në institucionet qendrore dhe lokale me qëllim të identifikimit të nevojave duke rezultuar në përmirësimin e kualitetit të funksionimit të sistemeve të telefonisë në IRK;
5. Bënë vendosjen dhe monitorimin e pajisjeve të telefonisë në sistemin e monitorimit (qendra operative e rrjetit), identifikon dhe intervenon në evitimin e problemeve;
6. Përgatit konfigurimet për realizimin e komunikimit me zë (VoIP) ndërmjet institucioneve, funksionimin e sistemit telefonik dhe ngritjen e nivelit të sigurisë së infrastrukturës në të gjitha segmentet e qasjes në sistemin VoIP;
7. Kujdeset në mënyra periodike për të siguruar realizmin e kopjeve rezervë të konfigurimeve të pajisjeve të sistemit telefonik, gjithashtu bënë analizimin dhe përmirësimin e sistemeve dhe protokollove të sigurisë së komunikimit;
8. Identifikon nevojat dhe përgatit termat e referencës për projektet brenda drejtoratit, gjithashtu merr pjesë në implementimin e projekteve dhe dokumentimin e aktiviteteve të realizuara;
9. Realizon dokumentimin e sistemit telefonik, duke përfshirë infrastrukturën fizike dhe logjike të sistemit telefonik;
10. Kryen edhe detyra tjetër në përputhje me ligjet dhe rregulloret të cilat mund të kërkohen në mënyrë të arsyeshme kohë pas kohe nga mbikëqyrësi.

Kriteret e përgjithshme për pranimin në detyrë, sipas nenit 9 të LZP-së

• Të jetë shtetas i Republikës së Kosovës;
• Të ketë zotësi të plotë për veprim, sipas legjislacionit në fuqi;
• Të zotërojë të paktën njërën nga gjuhët zyrtare, në pajtim me Ligjin për Gjuhët;
• Të jetë e/i aftë për të kryer detyrën përkatëse;
• Të mos jetë e/i dënuar për kryerjen e një veprës penale me dashje;
• Të mos ketë në fuqi masë disiplinore për shkelje të rëndë në institucion publik.
• Të ketë arsimin, përvojën e punës profesionale dhe/apo aftësitë e kërkuara për pozitën, kategorinë, klasën apo grupin përkatës.
• Të kaloj me sukses procedurat e pranimit të përcaktuara në këtë ligj.

Kërkesat e përgjithshme formale

• Arsimimi i kërkuar: Diplomë e arsimit të lartë e nivelit të parë (Bachelor). Diplomë e nivelit të pestë të KKK, për fushën e TIK: Shkenca kompjuterike, Inxhinieri kompjuterike dhe softuerike, Informatikë inxhinierike, Teknologji e informacionit dhe Telekomunikim, Informatikë dhe Teknologji informative, Inxhineri Elektroteknike Kompjuterike me Telekomunikacion.
• Kërkesat specifike:
• Njohuri apo certifikime në sistemet operative Linux (e preferueshme);
• Njohuri apo certifikime në sistemin telefonik digjital VoIP-platforma Asterisk (e preferueshme);
• Të ketë përvojë pune në realizimin e implementimeve të platformave telefonike digjitale, sistemeve Serverike (e preferueshme).
• Përvoja e punës e kërkuar: Së paku dy (2) vite përvojë pune profesionale në fushën për të cilën zhvillohet procedura për plotësimin e pozitës së lirë të punës.

Njohuritë, aftësitë dhe cilësitë e kërkuara në procedurën e rekrutimit

• Njohuri të thella dhe të specializuara në fushën profesionale specifike.
• Nivel të lartë të njohurive profesionale ose teknike të fushës përkatëse dhe të kuptuarit e fushave që ndërlidhen me detyrat dhe përgjegjësitë.
• Njohuri të gjëra të fushës, të metodave kërkimore, që ndihmojnë në përgatitjen e raporteve bazike ose analitike.
• Aftësi të arsyetimit logjik dhe analizës.
• Aftësi për të bërë gjykime profesionale të pavarura dhe për të ushtruar diskrecion mbi çështjet dhe për të dhënë një kontribut të rëndësishëm në zhvillimin dhe zbatimin e politikave.
• Shkathtësi hulumtuese, analitike, vlerësuese dhe formulim të rekomandimeve dhe këshillave profesionale.
• Aftësi komunikimi dhe ndikim personal, përfshirë aftësi për të përfaqësuar.
• Njohja e gjuhëve të huaj (e preferueshme).

Dokumentet që duhet të dorëzohen si pjesë e aplikimit dhe mënyrën e dorëzimit të tyre

• Kopjen e letërnjoftimit/pasaportës/certifikatës së shtetësisë së Republikës së Kosovës.
• Kopjen e diplomës të kërkuar me konkurs të lëshuar nga institucionet arsimore të Republikës së Kosovës. Nëse diploma është fituar jashtë vendit, vërtetimin e nostrifikimit të diplomës së fituar apo aktin që dëshmon se diploma e fituar është në procedurë të nostrifikimit, me kusht që nostrifikimi i diplomës të dorëzohet deri në momentin e nënshkrimit të aktit për emërim në pozitë;
• Kopjet e dëshmisë së punësimit(vërtetim/kontratë) të lëshuar nga institucioni përkatës i punësimit për përvojën e punës, që përcakton pozitën e punës si dhe kohëzgjatjen e angazhimit në atë pozitë.Dëshmisë e punësimit jashtë institucioneve publike duhet të mbështet së paku njëra nga dëshmitë si në vijim: pasqyra e pagesave në fondin e kursimeve pensionale apo pasqyra e pagesave të obligimeve tatimore në përputhje me legjislacionin tatimor për të ardhurat personal.
• Dëshmi që nuk ka në fuqi masë disiplinore për shkelje të rëndë në institucion publik (vlen për të punësuarit në institucione publike).Kandidatët që nuk janë të punësuar në institucione publike duhet të dërgojnë një

vetëdeklaratë me shkrim të nënshkruar se nuk kanë masë disiplinore për shkelje të rëndë në institucion publik.

• Dëshmitë e trajnimeve profesionale të ndjekura apo trajnimeve që aplikuesi i ka realizuar në cilësinë e trajnuesit (nëse ka);
• Kopjet e dokumenteve tjera që provojnë plotësimin e kushteve për aplikim të përcaktuara në shpalljen e rekrutimit dhe të deklaruara në aplikacion.

Dëshmitë që nuk kërkohen gjatë aplikimit, por në fazën e verifikimit para emërimit

• Certifikatë mbi dënimet penale origjinale e lëshuar nga gjykata përmes së cilës dëshmohet se nuk është i/e dënuar për kryerjen e veprës penale me dashje, jo më të vjetër se(6) muaj nga data e lëshimit.
• Dëshmi se kandidati është i aftë në pikëpamje shëndetësore.
• Dëshmi përkatëse se kandidati ka zotësi të plotë për të vepruar.

Data e daljes së rezultateve të vlerësimit paraprak

• Lista e kandidatëve të cilët plotësojnë kushtet për pranim do të shpallet më së largu deri më datën 22/09/2024, në portalin e rekrutimit elektronik (https://konkursi.rks-gov.net )

Kriteret specifike shtesë

Mënyra e vlerësimit të kandidatëve/aplikantëve

• Testimi me shkrim – maksimumi 70 pikë
• Intervista – maksimumi 30 pikë

Mënyra e njoftimit dhe komunikimit me kandidatët

1. Përmes email dhe portalit për rekrutimi elektronik (https://konkursi.rks-gov.net)
2. Mënyra e aplikimit
3. Përmes portalit për rekrutimi elektronik (https://konkursi.rks-gov.net)
4. Data e shpalljes së rezultateve përfundimtare

• Në përfundim të vlerësimit të kandidatëve, fituesi do të shpallet përmes portalit për rekrutimi elektronik

(https://konkursi.rks-gov.net). Të gjithë kandidatët pjesëmarrës në këtë procedurë do të njoftohen individualisht në mënyrë elektronike.

Të dhëna shtesë:

• Pas përzgjedhjes së kandidatit fitues, njësia përgjegjëse bën verifikimin para emërimit me qëllim të vërtetimit se kandidatët vazhdojnë të plotësojnë kriteret e konkursit, përmes dokumenteve ne origjinal apo të njësuara me origjinalin.

Komunitetet jo shumicë dhe pjesëtarët e tyre, personat me aftësi të kufizuar dhe gjinia më pak e përfaqësuar kanë të drejtë për përfaqësim të drejtë dhe proporcional në shërbimin civil të Kosovës, siç specifikohet në LZP.

Aplikacionet e dorëzuara pas afatit të paraparë nuk pranohen dhe aplikacionet e mangëta refuzohen