Roli i Koordinatorit/es për mësim - Koordinimi i proceseve të mësimit. Përgjegjësia bie që të koordinoj dhe mbikëqyrë procesin e punës në aspektin akademik, ndihmon Prorektorin për Mësim per politikat zhvillimore për programet studimore. I propozon Pro rektorit për mësim për shqyrtim në Këshillin Akademik për miratim stafin akademik para çdo viti akademik. Punon ngushtë me Pro-rektorin dhe dekanatet për implementim të planit të veprimit dhe mbështet dekanatet në rast nevoje për çështje të ndryshme rreth programeve studimore, dhe çështjeve studentore.

1. PËRGJEGJËSITË

• Planifikimi, buxhetimi.
• Koordinimi i aktiviteteve të planifikimit, zbatimit dhe përmirësimit të vazhdueshëm në fushën e sistemit gjithëpërfshirës të menaxhimit të mësimdhënies
• Koordinimi i punës pedagogjike – mësimore
• Dhënia e sugjerimeve për ndryshime në kurrikulat ekzistuese dhe për krijimin e kurrikulave të reja
• Koordinimi dhe mbikëqyrja e përfshirjes së mësimdhënësve dhe studentëve në procesin mësimor
• Koordinimi dhe mbikëqyrja e organizimit të punës në përputhje me programin zhvillimor dhe planet vjetore të miratuara
• Koordinimi dhe monitorimi i zbatimit të aktiviteteve të studimit në të gjitha nivelet e arsimit të lartë dhe në të gjitha format tjera të edukimit të vazhdueshëm profesional.
• Propozimi i krijimit të njësive akademike dhe njësive tjera ndihmëse në kuadër të Kolegjit
• Raportimi për punën, të paktën një herë në vit, para Prorektorit per mesim
• Thirrja dhe kryesimi i mbledhjeve të Harmonizimit me Asistentët per çështje mësimore
• Propozimi i kandidatëve për mësimdhënës përballë menaxhmentit dhe organeve tjera udhëheqëse të Kolegjit dhe bashkë-vendimmarrja lidhur me marrëdhënien e punës të punonjësve tjerë të institucionit të arsimit të lartë.
• Propozimi i stafit akademik dhe mësimdhënësve për procesin mësimor dhe zhvillimin e karrierës së tyre.
• Ofrimi i mësimdhënies në modulet e fushës përkatëse.

1. INDIKATORËT E PERFORMANCËS

• Mbarëvajtja e proceseve të mësimit
• Mbarëvajtja dhe cilësia e punës akademike
• Rritja e numrit të programeve studimore
• Mundësimi i një mjedisi pune pozitiv, produktiv dhe mbështetës të ekipeve punuese të përfshira
• Ngritja e kapaciteteve akademike përmes gradimeve të vazhdueshme

1. NJOHURITË, AFTËSITË DHE PRIRJET

Arsimimi: MSc apo PhD i fushës së Edukimit, Sociale apo Mjekësore

Përvoja: Së paku 3-5vjet përvojë pune në një pozitë të ngjashme

Njohuritë: Njohuri për nivelin e funksionimit të IAL-ve, njohuri për ligjet në fuqi që rregullojnë arsimin e lartë, Njohuri shumë të mira të punës në kompjuter, që mundësojnë punë të pavarur pa ndihmën e dikujt tjetër, Nivel akademik i gjuhës shqipe, Nivel i kënaqshëm i gjuhës angleze

Aftësitë Personale: Menaxhimi i Stafit, Organizimi; Menaxhimi i kohës; Aftësi komunikimi; Aftësi të menaxhimit të situatave, çasje profesionale me kolegë staf dhe studentë.

Aftësitë Teknike: Micrososft Office Package; SPSS, Mendeley etj.

Prirjet: Integritet, Diskrecion, Etike, Proaktiv, Dinamik, Mendues kritik, etj.

1. AMBIENTI LEHTËSUES:
   • Mirëbesimi dhe lidershipi i mbikëqyrësit

• Pavarësia e rregulluar dhe e mbikëqyrur
• Përkrahje të arsyeshme
• Rregulla të qarta dhe të kuptueshme
• Procedura Operative Standarde të Paracaktuara nga Mbikëqyrësi
• Përkrahje e mjaftueshme teknike, dhe staf i mjaftueshëm për arritjen e objektivave të zyrës.

Dorëzimi i dokumentacionit:

Të gjithë kandidatët e interesuar të cilët i plotësojnë kushtet e konkursit për të aplikuar duhet të dorëzojnë dokumentet si në vijim: CV si dhe Dëshmitë e Shkollimit apo kualifikimeve përkatëse.

Dokumentet duhet të dorëzohen me kohë sipas afatit të konkursit. Dokumentet duhet të dorëzohen tek në formë elektorinke në email adresën [email protected].

Konkursi mbetet i hapur nga data 01.09.2023 deri me date 11.09.2023.