veneramustafa është një markë mode e themeluar në vitin 2011 nga skulptorja dhe dizajnerja e modës Venera Mustafa, e lindur dhe me bazë në Prishtinë, Kosovë. Pas diplomimit në Fakultetin e Arteve të Bukura në Prishtinë, Venera Mustafa u zhvendos në Paris, ku studioi dizajn mode, veshje për gra në “École Supérieure des Arts et Techniques de la Mode” (ESMOD). Ajo u diplomua në vitin 2008 dhe një vit më vonë përfundoi dhe specializimin në veshje për meshkuj. Ajo solli në Kosovë një qasje unike që ndërthur skulpturën, historinë arkitekturore të vendit dhe estetikën bashkëkohore.

Studioja dhe showroom-i në Prishtinë krijojnë veshje me edicion të limituar,  nga materiale të qëndrueshme. Çdo krijim është rezultat i një procesi origjinal të kujdesshëm, ku funksionaliteti takohet me linja të pastra, silueta të veçanta dhe narrativë artistike.