Në bazë të Ligjit Nr. 08/L – 197 për zyrtarët publikë, Neni 39 (1,2,3,4,5 dhe 6) dhe Rregullores (QRK) NR. 15/2023 për pranimin dhe karrierën në shërbimin civil të Republikës së Kosovë, Neni 5 Ministria e Financave, Punës dhe Transfereve - Agjencia e Punësimit të Kosovës shpall:

Konkurs

Aplikimi është i hapur vetëm gjininë femërore

Emri i grupit: Grupi i shkencave shoqërore

Titulli i pozitës së punës: Zyrtar/e për Shërbime të Punësimit 2

Klasa e pozitës : Profesional 2

Koeficienti/Paga: 5.1

Nr. i kërkuar: 1

Kohëzgjatja e emërimit: Emërim me afat të pacaktuar

Data e njoftimit: 13/09/2024

Afati për aplikim: 14/09/2024 - 13/10/2024

Institucioni: Ministria e Financave, Punës dhe Transfereve - Agjencia e Punësimit të Kosovës

Departamenti: Zyra e Drejtorit të Përgjithshëm

Divizioni: Zyra e Punesimit - Hani Elezit

Vendi i punës: Hani i Elezit

Nr. i Referencës : RN00015107

Kodi: RPC0008646

Përshkrimi i përgjithshëm i punës

• Identifikon vështirësitë për punësim të të papunësuarve nëpërmjet intervistimit, këshillimit, profilizimit dhe regjistrimit në Sistemi Informativ për Menaxhimin e Punësimit (SIMP), duke ofruar asistencë dhe informim për mundësi punësimi, sipas profilit që të papunësuarit kanë në përputhje me kërkesat e tregut të punës;
• Orienton të papunësuarit në aftësim profesional dhe masa të tjera aktive, sipas nevojave të tyre dhe kritereve të specifikuar në dokumentet kyçe për këto shërbime;
• Kontakton, dhe organizon vizita në biznese dhe subjekte tjera të punëdhënësve në mënyrë të rregullt, për të promovuar shërbimet dhe mundësitë e bashkëpunimit me Zyrën e Punësimit përfshirë Masat Aktive në Tregun e Punës, duke grumbulluar të dhëna për vende të lira të punës dhe të njëjtit i regjistron në SIMP;
• Realizon procesin e ndërmjetësimit në përputhshmëri me kërkesat e punëdhënësit dhe orienton të papunësuarit/punëkërkuesit tek ofertat e përshtatshme të punës ose mundësit për masa aktive të tregut të punës;
• Ndihmon klientët të kompletojnë format e aplikacionit dhe përgatitë marrëveshjen formale mes palëve për masat aktive të tregut të punës si dhe monitoron dhe vlerëson implementimin e tyre;
• Rishikon realizimin e aktiviteteve që dalin nga këshillimi ose nga Plani Individual i Punësimit, motivon të papunësuarit gjatë tërë periudhës së kërkimit aktiv të punës dhe ofron mbështetje konkrete përgjatë këtij procesi;
• Propozon dhe zhvillon aktivitete, takime dhe sesione informuese brenda dhe jashtë Zyrës së Punësimit në koordinim me mbikëqyrësin me qëllim të promovimit dhe prezantimit të rolit dhe shërbimeve publike tëpunësimit;
• Përmbledhë dhe raporton në periudha periodike dhe sipas kërkesës tek mbikëqyrësi mbi aktivitetet e realizuara, arritjen e trageteve dhe implementimin e masave apo shërbimeve të tjera.

Kriteret e përgjithshme për pranimin në detyrë, sipas nenit 9 të LZP-së

• Të jetë shtetas i Republikës së Kosovës;
• Të ketë zotësi të plotë për veprim, sipas legjislacionit në fuqi;
• Të zotërojë të paktën njërën nga gjuhët zyrtare, në pajtim me Ligjin për Gjuhët;
• Të jetë e/i aftë për të kryer detyrën përkatëse;
• Të mos jetë e/i dënuar për kryerjen e një veprës penale me dashje;
• Të mos ketë në fuqi masë disiplinore për shkelje të rëndë në institucion publik.
• Të ketë arsimin, përvojën e punës profesionale dhe/apo aftësitë e kërkuara për pozitën, kategorinë, klasën apo grupin përkatës.
• Të kaloj me sukses procedurat e pranimit të përcaktuara në këtë ligj.

Kërkesat e përgjithshme formale

• Arsimimi i kërkuar: Diplomë e arsimit të lartë e nivelit të parë (Bachelor) në fushën: Juridik, Ekonomik (pa specifikim), Sociologji, Antropologji, Filozofi, Histori, Shkenca Politike, Psikologji, Punë Sociale Gjeografi apo Administratë Publike.
• Përvoja e punës e kërkuar: Së paku 1 (një) vit përvojë pune në fushën për të cilën zhvillohet procedura për plotësimin e pozitës së lirë të punës.

Njohuritë, aftësitë dhe cilësitë e kërkuara në procedurën e rekrutimit

• Njohuri të plota dhe të specializuara në fushën e tregut te punes;
• Nivel të lartë të njohurive profesionale ose teknike të fushës përkatëse dhe të kuptuarit e fushave që ndërlidhen me detyrat dhe përgjegjësit;
• Njohuri të mira metodave kërkimore, që ndihmojnë në përgatitjen e raporteve bazike ose analitike dhe në marrjen e vendimeve;
• Aftësi të arsyetimit logjik dhe analizës;
• Aftësi për të bërë gjykime profesionale të pavarura dhe për të ushtruar diskrecion mbi çështjet dhe për të dhënë një kontribut të rëndësishëm në zhvillimin dhe zbatimin e politikave;
• Shkathtësi hulumtuese, analitike, vlerësuese dhe formulim të rekomandimeve dhe këshillave profesionale; Aftësi komunikimi dhe ndikim personal, përfshirë aftësi për të përfaqësuar.
• Njohja e gjuhëve të huaj (e preferueshme).

Dokumentet që duhet të dorëzohen si pjesë e aplikimit dhe mënyrën e dorëzimit të tyre

1. Letërnjoftimi i kompletuar dhe me afat/pasaporta me afat;
2. Diplomat e kërkuara me konkurs të lëshuara nga institucionet arsimore të Republikës së Kosovës. Nëse diplomat janë fituar jashtë vendit, duhet te bashkëngjitet vërtetimi i nostrifikimit apo akti qe dëshmon se diploma e fituar jashtë vendit është ne procedure te nostrifikimit, me kusht qe nostrifikimi i diplomës të dorëzohet deri në momentin e nënshkrimit të emërimit në pozitë;
3. Kopjet e dëshmisë së punësimit (kontratën/kontratat dhe vërtetimin/vërtetimet) të lëshuar nga institucioni përkatës i punësimit për përvojën e punës, që përcakton pozitën e punës si dhe kohëzgjatjen e angazhimit në atë pozitë. Dëshmisë se punësimit jashtë institucioneve publike u bashkëngjitet së paku njëra nga dëshmitë mbështetësesi në vijim: pasqyrën e pagesave ne fondin e kursimeve pensionale dhe/apo pasqyrën e pagesave të obligimeve tatimore në përputhje me legjislacionin tatimor për të ardhurat personale;
4. Dëshmi që nuk ka në fuqi masë disiplinore për shkelje të rëndë në institucion publik (Kandidatët që janë të punësuar apo kanë qenë të punësuar në institucione publike)
5. Dëshmitë e trajnimeve profesionale të ndjekura apo trajnimeve që aplikuesi i ka realizuar në cilësinë e trajnuesit.
6. Kopjet e dokumenteve tjera që provojnë plotësimin e kushteve për aplikim të përcaktuara në shpalljen e rekrutimit dhe të deklaruara në aplikacion.

Vëmendje: Referenca/Rekomandimi nuk e zëvendëson asnjërin nga dokumentet e sipërpërmendura dhe nuk mund të konsiderohen si dëshmi për të vërtetuar përvojën e punës, periudhën e punësimit apo masën disiplinore.

Dëshmitë që nuk kërkohen gjatë aplikimit, por në fazën e verifikimit para emërimit (mund të vendoset tek pika 5 ose në fund tek të dhënat shtesë, sido që është më e lehtë teknikisht).

• ­Certifikatë mbi dënimet penale origjinale e lëshuar nga gjykata përmes së cilës dëshmohet se nuk është i/e dënuar për kryerjen e veprës penale me dashje, jo më të vjetër se(6) muaj nga data e lëshimit.
• Dëshmi se kandidati është i aftë në pikëpamje shëndetësore.
• Dëshmi përkatëse se kandidati ka zotësi të plotë për të vepruar.

Data e daljes së rezultateve të vlerësimit paraprak

• Lista e kandidatëve të cilët plotësojnë kushtet për pranim do të shpallet më së largu deri më datën 28/10/2024, në portalin e rekrutimit elektronik (https://konkursi.rks-gov.net )

Kriteret specifike shtesë

Mënyra e vlerësimit të kandidatëve/aplikantëve

• Testimi me shkrim – maksimumi 70 pikë
• Intervista – maksimumi 30 pikë

Mënyra e njoftimit dhe komunikimit me kandidatët

• Përmes email dhe portalit për rekrutimi elektronik (https://konkursi.rks-gov.net)

Mënyra e aplikimit

• Përmes portalit për rekrutimi elektronik (https://konkursi.rks-gov.net)

Data e shpalljes së rezultateve përfundimtare

• Në përfundim të vlerësimit të kandidatëve, fituesi do të shpallet përmes portalit për rekrutimi elektronik

(https://konkursi.rks-gov.net). Të gjithë kandidatët pjesëmarrës në këtë procedurë do të njoftohen individualisht në mënyrë elektronike.

Të dhëna shtesë:

• Pas përzgjedhjes së kandidatit fitues, njësia përgjegjëse bën verifikimin para emërimit me qëllim të vërtetimit se kandidatët vazhdojnë të plotësojnë kriteret e konkursit, përmes dokumenteve ne origjinal apo të njësuara me origjinalin.

Komunitetet jo shumicë dhe pjesëtarët e tyre, personat me aftësi të kufizuar dhe gjinia më pak e përfaqësuar kanë të drejtë për përfaqësim të drejtë dhe proporcional në shërbimin civil të Kosovës, siç specifikohet në LZP.

Aplikacionet e dorëzuara pas afatit të paraparë nuk pranohen dhe aplikacionet e mangëta refuzohen