Zyrtar/e për financa (3)

Zyrtar/e për financa (3)

Publikuar: 16-02-2023
Skadon: 15-03-2023

Ky konkurs ka skaduar

Kompani PATELA GROUP

Kategoritë Financa

Numri i pozitave 3

Vendi i punës Prishtinë

Shikime 5974

Patela Group është kompani multinacionale e cila selinë e saj e ka në Kosovë. Veprimtaria e saj është në fushën e teknologjisë informative Netëorking dhe Telecom. Është themeluar në vitin 2019 dhe për 3 vite ka arritur të jetë prezente në 3 tregje atë të Kosovës, Kroacisë dhe Norvegjisë. Është kompani e cila ka potencial të lartë në zhvillim të vetin dhe si rrjedhojë edhe të stafit të saj. Në qoftë se jeni ambicioz/e për arritje profesionale në karrierë dhe dëshironi të sfidoheni me qështje internacionale atëherë PATELA është vendi ku ju duhet të jeni.

Ju falenderojmë paraprakisht për interesimin tuaj.

CV-të mund ti dërgoni në email adresën [email protected] . Në titullin e emailit tuaj ju lutem vendosne fillimisht “Pozitën” të cilën aplikoni pastaj “Emri dhe Mbiemri” i juaj.

Titulli:	Zyrtar/e për financa – 3 pozita
Përshkrimi i pozitës:	Zyrtar/e për financa është përgjegjëse për regjistrimin e faturave te Blerjes, Shpenzimeve, Investimeve dhe Shitjeve. Ekzekutimin e të gjitha pagesave, kontrollit të llogarive bankare për tërheqje dhe arkëtime, barazimit me furnitorë dhe klientë, të tjera në kordinim me udhëheqësin e departamentit të financave.
Kërkesat për këtë pozitë:	Diplomë universitare Çertifikim Teknik i Kontabilitetit; (e preferueshme) Minimum dy vite përvojë pune në financa; Njohuri në sisteme financiare dhe MS Excel, Prodata e preferueshme; Aftësi të punojë në mënyrë të pavarur, duke menaxhuar ngarkesën e punës pa udhëzime të vazhdueshme; Aftësi të mira analitike dhe vëmendje në detaje; Njohuri në gjuhën Angleze niveli 4 – E domosdoshme Njohuri të mira të legjislacionit në fuqi dhe të praktikave të kontabilitetit; Njohuri të mira të SNRF-ve.
Departamenti përkatës:	Departamenti i Financave
Pozita superiore ku raporton:	Kontabilisti Kryesor
Përshkrimi i detyrave të punës dhe përgjegjësive:	Përpilon listën e pagesave dhe e dërgon te Kontabilisti Kryesor për autorizim dhe ekzekuton pagesat e autorizuara nga Drejtori Financiar; Raporton në baza të rregullta për gjendjen në banka tek Kontabilisti dhe Drejtori Financiar; Raporton transaksionet e pazakonta dhe të padokumentuara te Kontabilisti Kryesor në momentin e parë të mundshëm; Kryen barazimin mujor të të gjitha llogarive bankare dhe llogarive kalimtare; Bën hapjen e llogarive/kartelave të furnitorëve dhe të klientëve të rinj sipas kërkesave të përcaktuara në politikën dhe procedurën e kompanisë; Barazon dhe dokumenton barazimet me furnitorë sipas kërkesave të përcaktuara në politikën dhe procedurat e kompanisë; Raporton në baza javore për ecurinë e punëve dhe të barazimit me klientë dhe furnitorë; Përpilon listën e të arkëtueshmeve në baza ditore dhe kontakton me departamentin e shitjes në lidhje me arkëtimet nga klientët; Dokumenton të gjitha barazimet me klientët dhe mbledh të gjitha dëshmitë mbi përpjekjet për mbledhjen e borxheve; Regjistron faturat e Blerjes dhe Shitjes në sistem; Kryen punë të tjera sipas kërkesës së Kontabilistit ose Drejtorit Financiar.