­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­Bazuar në Ligjin e AKP-së Nr.04/L-034 si dhe Nenet 8 dhe 10 të Ligjit të Punës Nr. 03/L – 212,Agjencia Kosovare e Privatizimit shpall konkurs për:

Anëtarë të Bordit të Përkohshëm të Ndërmarrjes Shoqërore Inex Sharr Planina Brezovicë

(5 Pozita) / nr. i referencës 01/2023

Personat që përzgjidhen për Anëtarë të Bordit të përkohshëm të NSH “Inex Sharr Planina” në Brezovicë ndër të tjera duhet të ketë:

• Diplomë të nivelit universitar në ekonomi, financa, administrim biznesi, menaxhim, juridik apo përgatitje tjetër përkatëse. Diploma post diplomike e nivelit master është përparësi;
• Të paktën 5 vite përvojë pune relevante profesionale në sektorin privat apo publik duke përfshirë 3 vite përvojë pune në pozita udhëheqëse;
• Aftësi për të marrë vendime të vështira, nën presion dhe në përgjithësi të ketë aftësi dhe përvojë për të punuar në ambient të proceseve të ndërlikuara dhe aftësitë të orientohen kah rezultatet;
• Aftësi të shkëlqyeshme udhëheqëse, organizative, komunikimi dhe aftësi negocimi;
• Aftësi për të motivuar dhe mobilizuar personelin lidhur me misionin dhe qëllimet e ndërmarrjes;
• Të ketë integritet të lartë moral dhe t’i përmbahet standardeve të larta të etikës;
• Aftësi të shkëlqyeshme ndër personale dhe aftësi në zgjidhjen e konflikteve;
• Njohuri të rrjedhshme në të folur dhe në të shkruar në njërën nga gjuhët zyrtare, njohja e gjuhës angleze është përparësi.
• Aftësi për të punuar në mënyrë efektive në një mjedis multietnik dhe multikulturor;
• Njohuri të shkëlqyeshme në aplikacionet e Microsoft Office;
• Integriteti, historia personale e drejtorëve duhet të dëshmojë se ata janë plotësisht të pavarur dhe se posedojnë kualitete personale, në rend të parë integritetin që është i nevojshëm për t’i kryer detyrat e tyre;
• Gjykimi i shëndoshë, drejtorët dhe duhet të kenë kualifikimet e duhura formale dhe aftësi personale që i japin mundësi atyre, që në mënyre kritike dhe adekuate të vlerësojnë politikat e rëndësishme dhe çështjet strategjike, me të cilat do të ballafaqohet ndërmarrja dhe të artikulojnë qartë pikëpamjet e tyre mbi çështjet e tilla;
• Udhëheqja, drejtorët duhet të kenë përvojë të mjaftueshme të udhëheqjes në biznes siç kërkohet me aktet juridike në fuqi;
• Çdo drejtor i cili i cili ka interes material ose marrëdhënie materiale brenda fushës së veprimit të ndërmarrjes, duhet të mos marrë pjesë në mbledhjet ku diskutohet ose votohet çështja, dhe duhet të mos marrë pjesë në votim për të gjitha këto çështje që shtrohen në bordin e drejtorëve.
• Një interes është material nëse është interes i konsiderueshëm në lidhje me interesin financiar ose ekonomik të personit që ka interes dhe një person ka interes material në një shoqëri nëse personi zotëron, direkt ose indirekt, një interes të konsiderueshëm në atë shoqëri ose është drejtor ose menaxher i lartë i shoqërisë dhe ka një interes të konsiderueshëm në çfarëdo ortakërie nëse personi është ortak.
• Anëtarët e Bordit te përkohshëm i nënshtrohen Ligjit nr. 06/L-011 për parandalimin e konfliktit të interesit në ushtrimin e funksionit publik.

Detyrat dhe përgjegjësitë e Bordit të Përkohshëm Menaxhues të Ndërmarrjes

• Tё përcaktoj misionin dhe qëllimin e Ndërmarrjes;
• Ushtrojë mbikëqyrje të vazhdueshme dhe rigoroze, në veçanti të veprimtarisë së ndërmarrjes dhe zyrtarëve të saj;
• Tё shqyrtoj dhe aprovoj planin e biznesit tё Ndërmarrjes Shoqërore Inex Sharr Planina Brezovicë dhe ta dërgoj atë për miratim final nga Menaxhmenti i AKP-së;
• T’i rishikoj rreziqet kryesore nё biznes, tё sigurohet qe janë tё vendosura menaxhimi i rrezikut dhe kontrolli dhe t’i rishikoj nё baza tё rregullta;
• Tё aprovoj dhe monitoroj pajtueshmërinë e aktiviteteve të ndërmarrjes me ligjet e aplikueshme dhe me aktet tjera normative të Ndërmarrjes;
• Tё aprovoj buxhetin vjetor tё Ndërmarrjes dhe tё monitoroj rezultatet;
• Tё siguroj burime tё mjaftueshme për operimet e Ndërmarrjes;
• Tё inkurajoj dhe ruaj linjat e hapura tё komunikimit;
• Tё monitoroj dhe vlerësoj performancën e Drejtorit Menaxhues të NSH Inex Sharr Planina Brezovicë;
• Tё mbaj përgjegjës Drejtorin Menaxhues të Ndërmarrjes;
• Tё zgjeroj imazhin e Ndërmarrjes;
• Tё vlerësoj performancën e Ndërmarrjes;
• Tё raportoj tek Agjencia Kosovare e Privatizimit për performancën e ndërmarrjes dhe pajtueshmërinë me kërkesat ligjore;
• Tё marr vendime lidhur me rekomandimet e Drejtorit Menaxhues të Ndërmarrjes për blerjet qe nevojiten për mirëmbajtjen e aktivitetit afarist të Ndërmarrjes ne pajtim me Rregulloren e Prokurimit për Ndërmarrjet Shoqërore;
• Tё marr vendime për propozimet për qiradhëniet apo të vendos mbi mënyrën e shfrytëzimit të aseteve të luajtshme dhe të paluajtshme të ndërmarrjes si dhe për aktivitete tjera të Ndërmarrjes;
• Tё dorëzoj raporte mujore apo me të shpeshta ne AKP duke përfshirë raporte mbi aktivitetet e zhvilluara ne Ndërmarrje si dhe për performancën e ndërmarrjes dhe pajtueshmërinë me kërkesat ligjore;
• Bordi duhet gjithmonë tё marr vendime në mënyrë objektive, për interesat me tё mira tё Ndërmarrjes;
• Drejtoret e Bordit të Përkohshëm kanë përgjegjësin themelore për Ndërmarrjen dhe arritjen e suksesshme tё objektivave tё saj;
• Kur bëhet thirrje për ndonjë ndryshim strategjik, roli i Bordit është të angazhohet të udhëheqë dhe të përgatisë afarizmin si një ekip e bashkuar dhe të kërkoj nga AKP-ja aprovimin e atyre ndryshimeve.

Kohëzgjatja e mandatit:

Mandati i anëtarëve te Bordit te Përkohshëm Menaxhues të NSH Inex Sharr Planina ne Brezovice është një (1) vjeçar

Afati për paraqitjen e dokumentacionit është 15 ditë nga data 14.04.2023 deri me datën 28.04.2023 ora 16:00.

Përshkrimi i detajuar i vendit të punës do të publikohet në ueb-faqen: https://www.pak-ks.org.

Të gjithë kandidatët duhet të dërgojnë dokumentet e mëposhtme:

Aplikacioni i punësimit ose CV me informata mbi konfliktin e mundshëm te interesit qe lidhet me ndërmarrjen, menaxhmentin e saj apo me ndonjë interes material me ndërmarrjen;

• Letër Motivuese;
• Dëshmi të kualifikimeve shkollore;
• Dëshmi mbi përvojën e punës;
• Certifikatën që nuk jeni nën hetime;
• Dokumentin e identifikimit të lëshuar nga MPB e Republikës së Kosovës.

Dokumentet e kërkuara më lartë i dërgoni në e-mail adresën: [email protected]

Titulli i e-mailit tuaj duhet të përmbajë pozitën dhe numrin e referencës për të cilën ju aplikoni.

“Agjencia Kosovare e Privatizimit ofron mundësi të barabarta të punësimit për të gjithë shtetasit e Kosovës dhe mirëpret aplikacionet nga të gjithë personat e gjinisë mashkullore dhe femërore nga të gjitha komunitetet në Kosovë”

“Komuniteti jo-shumicë dhe pjesëtarët e tyre kanë të drejtë për përfaqësim të drejtë dhe proporcional në organet e administratës publike qendrore dhe lokale”.

Dokumentet e dërguara pas datës së fundit nuk do të pranohen. Aplikacioni dhe dokumentacioni i pakompletuar do të refuzohet.

Ne i falënderojmë të gjithë kandidatët për aplikim, por vetëm kandidatët në listën e ngushtë do të kontaktohen për intervistë.