Bazuar në Ligjin e AKP-së Nr.04/L-034 si dhe Nenet 8 dhe 10 të Ligjit të Punës Nr. 03/L – 212, Agjencia Kosovare e Privatizimit shpall:

Konkurs për Zyrtar Financiar në NSH “Metaliku-Ena” në Gjakovë (1 pozitë)/nr referues 3/2023

Personat që përzgjidhen për pozitën e Zyrtarit Financiar të NSH “Metaliku-Ena” në Gjakovë ndër të tjera duhet të ketë:

• Diplomë të nivelit universitar në ekonomi, financa, administrim biznesi, menaxhim. Diploma post diplomike e nivelit master është përparësi;
• Tri (3) vjet përvojë pune në financa dhe kontabilitet dhe në punët dhe detyrat e njëjta;
• Aftësia organizative;
• Aftësia për kryerjen e punëve;
• Të ketë integritet të lartë moral dhe t’i përmbahet standardeve të larta të etikës;
• Aftësi të shkëlqyeshme ndër personale dhe aftësi në zgjidhjen e konflikteve;
• Njohuri të rrjedhshme në të folur dhe në të shkruar në njërën nga gjuhët zyrtare, njohja e gjuhës angleze është përparësi;
• Njohuri të shkëlqyeshme në aplikacionet e Microsoft Office.

Detyrat dhe përgjegjësitë e Zyrtarit të Financave

• Regjistrimi i faturave të blerjeve dhe shitjeve në përudhje me standardet e kontabilitetit dhe ligjeve të tjera të zbatueshme;
• Mirëmbajtja e dokumentacionit financiar në bazë të kërkesave ligjore;
• Regjistrimi dhe konsolidimi i llogarive bankare dhe arkës;
• Përgatitja e librave tregtare, konfirmimi i tyre dhe dokumentacionin përkatës;
• Përgatitja dhe menaxhimi i llogarive të arkëtueshme dhe të pagueshme;
• Mbajtja e evidencës së punës ditore për punëtorët e Ndërmarrjes;
• Përgatitja e listës së pagave;
• Përgatitjen e pasqyrave financiare;
• Deklarimi i tatimeve;
• Kontrollimi dhe barazimi i listave të regjistrimeve vjetore nga ana e komisioneve me financa;
• Mbanë kontakte të vazhdueshme me koordinatorin e Ndërmarrjes;
• E asiston koordinatori e Ndërmarrjes në punë dhe detyra që ai i delegon

Të gjithë kandidatët duhet të dërgojnë dokumentet e mëposhtme:

• Aplikacioni i punësimit (konsiderohet si CV dhe vlerësohet nga Komisioni);
• Letër Motivuese;
• Diploma Universitare;
• Dëshmi për përvojën e punës;
• Kopjen e letërnjoftimit/Pasaportës;
• Certifikatë nga Gjykata që nuk është i dënuar apo në procedurë penale; si dhe
• Çdo dokument që provon plotësimin e kushteve për aplikim të përcaktuara në shpalljen e konkurrimit dhe të deklaruara në aplikacion.

Mënyra e Aplikimit

• Kandidatët duhet të dorëzojnë dokumentacionin e kompletuar më së largu me datë 28/08/2023 ne ora 16:00 në emalin [email protected] dhe [email protected] ose edhe fizikisht në zyrat e Ndërmarrjes “Metaliku-Ena” në Gjakove.