TERMI I REFERENCËS SË PUNËS PËR TRAJNER

Ofertim për ekspertizë – Trajner për ofrimin e trajnimit me temën " Orientimit në karrierë për nxënësit maturant nga komunitetet rom, ashkali dhe egjiptian".

Informacion i përgjithshëm:

OJQ “Zëri i Romëve, Ashkalinjve dhe Egjiptianëve” (Voice of Roma, Ashkali and Egyptians) me selinë e saj aktuale në Prishtinë, është një organizatë jofitimprurëse që ka për qëllim përmirësimin e kushteve të jetesës së komuniteteve Rom, Ashkali dhe Egjiptian si dhe mbështetjen e vazhdueshme drejt integrimit të tyre në shoqërinë Kosovare përmes avokimit për të drejtat e tyre, përmirësimit të kushteve të banimit, hapjen e vendeve të reja të punës, organizimin e trajnimeve të ndryshme etj.

1. Kontesti i ndërhyrjes:

Kosova përballet me një sërë sfidash në fushën e arsimit, veçanërisht kur bëhet fjalë për qasjen dhe përfshirjen e komuniteteve rom, ashkali dhe egjiptian. Komunitetet rom, ashkali dhe egjiptian në Kosovë përballen me sfida të vazhdueshme në arsim, të lidhura me faktorë socio-ekonomikë, mungesë mbështetjeje institucionale dhe paragjykime shoqërore. Edhe pse arsimi është një e drejtë e garantuar, pjesëmarrja dhe përfundimi i arsimit të mesëm dhe të lartë mbetet dukshëm më i ulët krahasuar me komunitetin shumicë. Braktisja e hershme e shkollës, martesat e hershme dhe mungesa e orientimit profesional janë disa nga pengesat kryesore që kufizojnë zhvillimin arsimor të këtyre të rinjëve.

Në këtë kontekst, organizata joqeveritare “Zëri i Romëve, Ashkalinjve dhe Egjiptianëve” ka ngritur një program që synon të mbështesë studentët dhe nxënësit maturantë të këtyre komuniteteve në Kosovë.

Qëllimi i programit është të krijojë një model të qëndrueshëm përkrahjeje për studentët romë, ashkali dhe egjiptianë në të gjitha fazat e karrierës së tyre arsimore – nga përgatitja për studime të larta deri në përfundimin e tyre. Programi ofron një gamë të gjerë të shërbimeve si mentorim, tutorim, ndihmë akademike, këshillim për karrierë, etj. Krahas kësaj, një komponent kyç i programit është edhe mbështetja për maturantët – duke ofruar orientim në lidhje me zgjedhjen e drejtimit të studimeve, përgatitje për procesin e aplikimit në universitete, këshillim dhe ndihmë për regjistrim, me qëllim që të rritet numri i tyre në arsimin e lartë.

Kjo nismë synon të rrisë pjesëmarrjen, përparimin dhe diplomimin e të rinjve nga komunitetet rom, ashkali dhe egjiptian në arsimin universitar dhe të kontribuojë në përmirësimin e mundësive të tyre për punësim dhe zhvillim profesional në të ardhmen. Programi shërben si një mjet për të adresuar sfidat ekzistuese dhe për të ngritur cilësinë e përvojës arsimore për këta të rinj, duke u ofruar një platformë të fuqishme për të realizuar potencialin e tyre.

Prandaj, përmes këtij programi ofrohen aktivitete të fokusuara për të ngritur vetëbesimin dhe motivimin e të rinjve nga këto komunitete, duke përfshirë sesione këshillimi, informim mbi mundësit e studimeve.

1. QËLLIMI SPECIFIK

Kalimi nga arsimi i mesëm në arsimin e lartë është një periudhë vendimtare për të gjithë të rinjtë, e veçanërisht për maturantët nga komunitetet rom, ashkali dhe egjiptian në Kosovë, të cilët shpesh përballen me pengesa të shumta gjatë këtij tranzicioni. Këto pengesa përfshijnë mungesën e mbështetjes familjare dhe institucionale, mungesën e informacionit për programet universitare, pasigurinë financiare, mungesën e përgatitjes për testet pranues, por edhe vetëbesimin e ulët dhe mungesën e një vizioni të qartë për të ardhmen. Për shkak të mungesës së mbështetjes, një numër i madh i tyre heqin dorë nga planet për të vazhduar studimet, duke humbur kështu një mundësi të rëndësishme për zhvillimin e tyre personal dhe profesional.

Në këtë kontekst, është identifikuar nevoja për një ndërhyrje të synuar që do të ndihmonte maturantët të kuptojnë më mirë mundësitë e tyre dhe të ndërtojnë një qasje të vetëdijshme dhe të orientuar drejt suksesit akademik dhe profesional.

Kësisoj është paraparë organizimi i një trajnim dyditor orientues për maturantët nga këto komunitete, si pjesë e programit “Mbështetje plotësuese për studime akademike për studentët nga komunitetet rom, ashkali dhe egjiptian.” Trajnimi do të mbahet në muajin Maj/Qershor 2025 dhe do të synojë në orientimin në karrier dhe përgatitjen e maturantëve për të ndërmarrë hapa të sigurt drejt arsimit universitar, përmes ofrimit të informacioneve praktike, ushtrimeve vetëreflektuese dhe mbështetjes motivuese

Ky trajnim dyditor synon të krijojë një hapësirë pozitive dhe nxitëse për rreth 50 maturantë, ku ata do të mund të reflektojnë mbi vlerat e tyre personale, të njihen me drejtimet universitare, të kuptojnë rëndësinë e edukimit të mëtejshëm, të zhvillojnë aftësi bazike për vendimmarrje të informuar dhe të nxiten për të vazhduar arsimin universitar.

Gjatë dy ditëve të trajnimit, maturantët do të angazhohen në sesione që mbulojnë tema si:

• Vetëvlerësimi dhe identifikimi i aftësive personale;
• Rëndësia e arsimit të lartë dhe ndikimi i tij në të ardhmen;
• Informim mbi drejtimet e studimit, universitetet, kriteret e pranimit dhe bursat;
• Ushtrime për zhvillimin e planeve të ardhshme akademike dhe profesionale;
• Motivim për tejkalimin e pasigurisë dhe barrierave sociale;

Qëllimi ynë është që, përmes këtij trajnimi, të rrisim vetëbesimin dhe motivimin e maturantëve, të përmirësojmë qasjen e tyre në informacion dhe mundësi reale për studime të mëtejshme, si dhe të krijojmë një mjedis mbështetës dhe frymëzues për të promovuar vazhdimësinë në arsim.

Në këtë kuadër, kërkojmë angazhimin e një trajneri/eje me përvojë, i/e cili/a do të planifikojë dhe realizojë trajnimin dyditor për 50 maturantë, të ndarë në dy grupe nga 25 pjesëmarrës secili. Ky angazhim synon të ketë ndikim të drejtpërdrejtë në vendimmarrjen e maturantëve për të vazhduar rrugën e arsimit dhe zhvillimit personal dhe të kontribuojë në rritjen e përfaqësimit të komuniteteve rom, ashkali dhe egjiptian në arsimin e lartë.

OBJEKTIVAT E TRAJNIMIT:

Trajnimi synon të ofrojë mbështetje të strukturuar për maturantët nga komunitetet rom, ashkali dhe egjiptian, me fokus në orientimin drejt studimeve të larta dhe zhvillimit të një vizioni të qartë për të ardhmen. Përmes këtij trajnimi, synohet:

• Identifikimi dhe adresimi i sfidave personale dhe sociale që ndikojnë negativisht në vetëbesimin, motivimin dhe aftësinë për të bërë zgjedhje të informuara lidhur me arsimin dhe karrierën.
• Mbështetja e maturantëve në procesin e vetë-njohjes, përmes identifikimit të aftësive, interesave dhe aspiratave të tyre personale dhe profesionale.
• Informimi i pjesëmarrësve mbi fushat e ndryshme të studimit dhe karrierës, si dhe mundësitë konkrete për zhvillim akademik dhe profesional në Kosovë dhe jashtë saj.
• Thellimi i kuptimit për rëndësinë e arsimit të lartë si një faktor kyç për zhvillimin personal, avancimin socio-ekonomik dhe ndërtimin e një të ardhmeje të qëndrueshme profesionale.
• Pajisja e maturantëve me strategji dhe teknika praktike që ndihmojnë në forcimin e vetëdijes, vetëbesimit dhe motivimit, si dhe në marrjen e vendimeve të qëndrueshme për të ardhmen.
• Nxitja e përkushtimit dhe planifikimit afatgjatë, përmes zhvillimit të disiplinës, pjesëmarrjes aktive në mësim dhe ndërtimit të një vizioni të qartë për rrugëtimin akademik dhe profesional.

Trajnimi planifikohet të realizohet në formën e dy (2) sesioneve një ditore, ku secili sesion do të përfshijë nga 25 nxënës maturantë nga komunitetet rom, ashkali dhe egjiptian.

2. AUDIENCA DHE PËRDORIMI

Audienca për këtë trajnim përfshin 50 nxënës maturant nga komunitetet rom, ashkali dhe egjiptian.

3. METODOLOGJIA DHE PROCESI

Trajnimet do të përdorin një qasje interaktive dhe praktike për 50 nxënësit maturant nga komunitetet rom, ashkali dhe egjiptian në Kosovë. Trajneri do të ofrojë metodologji të ndara për orientimin në karrierë dhe për ngritjen e motivimit dhe vetëbesimit të nxënësve maturant, me fokus të veçantë në arsimin e lartë. Për orientimin në arsimin e lartë, trajneri do të përdorë teknika dhe udhëzime për të ndihmuar maturantët të identifikojnë mundësitë dhe fushat e studimit që përputhen me shkathtësitë, interesat dhe synimet e tyre profesionale. Ai do të ofrojë udhëzime për procesin e aplikimit në universitetet dhe për krijimin e planeve për vazhdimin e arsimit të lartë.

Ndërkohë, për ngritjen e motivimit dhe vetëbesimit, trajneri do të përdorë strategji për të adresuar sfidat që mund të hasin nxënësit dhe për t'i mbështetur ata në përmbushjen e synimeve akademike dhe për të përballuar pengesat që mund të dalin gjatë rrugës së tyre drejt suksesit në arsimin e lartë.

Gjithashtu, trajneri do të koordinojë me zyrtarët e organizatës për të siguruar që trajnimi të përmbushë nevojat dhe synimet e nxënësve maturant të komuniteteve rom, ashkali dhe egjiptian në mënyrë efektive dhe për t'i ndihmuar ata të realizojnë mundësitë për arsim të lartë.

Metodologjia dhe procesi i angazhimit të trajnerit për këtë trajnim mund të përfshijë disa hapa kryesorë për të siguruar një trajner të përshtatshëm dhe një proces të qëndrueshëm të mësimit. Këtu janë disa nga hapat e metodologjisë dhe procesit të angazhimit të trajnerit:

• Rekrutimi i trajnerit: Procesi i rekrutimit fillon me shpalljen e pozitës dhe identifikimin e kandidatëve të mundshëm. Kandidatët e mundshëm mund të jenë individë me përvojë të mëparshme si trajnerë, psikologë, këshilltarë të karrierës, pedagogë, ose specialistë të fushës së arsimit dhe zhvillimit të kapaciteteve.

• Seleksionimi dhe intervistimi: Pas marrjes së aplikacioneve, trajneri i përzgjedhur do të selektohet duke u bazuar në kriteret e përcaktuara për pozitën, si përvoja, njohuritë teknike dhe aftësitë e komunikimit. Një proces interviste do të ndihmojë në vlerësimin e aftësive dhe përvojës së kandidatëve për të siguruar që ata janë të përshtatshëm për pozitën e trajnerit.

• Kontrata dhe takimi fillestar: Pas përzgjedhjes së trajnerit të përshtatshëm, do të hartohet një kontratë e punës që përcakton detyrat, obligimet dhe kushtet e punës së tyre. Dokumentet e para, duke përfshirë të dhënat e disponueshme, i jepen trajnerit që do të përzgjidhet.

• Zhvillimi i materialeve të trajnimit: Trajneri do të përgatisë metodologjinë e trajnimit dhe materialet e nevojshme për të arritur objektivat e përcaktuara. Kjo përfshin prezantimet, studimet e rasteve, dhe ushtrime praktike për rritjen e vetëdijes dhe motivimit për sukses akademik, si dhe për orientimin në karrierë. Trajneri gjithashtu do të koordinojë me zyrtarët e organizatës për të siguruar përputhje dhe efektivitet të materialeve trajnuese për audiencën specifike.

• Zhvillimi dhe dorëzimi i trajnimit: Trajneri do të zhvillojë dhe dorëzojë trajnimin bazuar në materialet e përgatitura, duke siguruar një përvojë të mësimit efektive për pjesëmarrësit. Gjatë këtij procesi, trajneri do të inkurajojë pjesëmarrësit të angazhohen aktivisht dhe të ndajnë përvojat e tyre për të pasur një trajnim sa më të suksesshëm.

• Raportimi dhe vlerësimi: Pas dorëzimit të trajnimit, trajneri do të përgatisë raporte të detajuara mbi ecurinë e trajnimit, duke përfshirë vlerësimin e performancës së pjesëmarrësve dhe efektivitetin e metodologjisë së përdorur. Vlerësimi do të kryhet përmes pyetësorëve dhe diskutimeve për të mbledhur reagime nga pjesëmarrësit, duke ofruar një mundësi për përmirësimin e trajnimeve të ardhshme. Për më tepër, trajneri do të sigurojë një analizë të përgjithshme të mësimeve të nxjerra dhe të mundësive për përmirësim të mëtejshëm.

5. PRODUKTI

Produkti i këtij trajnimi është një grup prej 50 nxënësish maturantë që do të kenë një kuptim më të thellë për rëndësinë e arsimit të lartë dhe ndikimin që ai ka në zhvillimin e tyre personal dhe akademik.

Përmes këtij trajnimi, maturantët do të pajisen me njohuri dhe aftësi që do t’i ndihmojnë të njohin dhe të zhvillojnë më tej shkathtësitë e tyre, duke i lidhur ato me synimet e tyre për arsim të lartë. Ata do të kenë aftësinë të ndërtojnë një plan të qartë për vazhdimin e studimeve, duke identifikuar drejtimet e mundshme për arsim të lartë dhe hapat konkretë për të arritur qëllimet e tyre akademike.

Gjithashtu, trajnimi do t’i ndihmojë të përballen me sfidat e tranzicionit nga arsimi i mesëm në arsimin e lartë, duke rritur vetëbesimin, motivimin dhe përkushtimin e tyre. Maturantët do të jenë më të përgatitur për të marrë vendime të informuara dhe për të ndjekur rrugën e suksesit në arsim të lartë dhe zhvillimin akademik.

6. PLANI DHE BUXHETI

Ofertuesi është i lirë të propozojë numrin e ditëve që i nevojiten për përgatitjen e trajnimit, ofrimin e trajnimit 2 ditorë si dhe raportit përfundimtar të trajnimit. Organizata "Zëri i Romëve, Ashkalinjve dhe Egjiptianëve" mbulon një shumë maksimale prej 120 euro për ditë për ekspertët/trajnerët.

7. KRITERET E PERZGJEDHJES

• Diplomë universitare.
• Ekspertizë në fushën e trajnimeve për orientimin në karrierë, rritjes së vetëdijes dhe motivimit për sukses akademik.
• Përvojë pune minimum 3 vjet në ofrimin e trajnimeve;
• Preferohet përvojë në trajnime të ngjajshme me nxënës, student, ose të rinjë nga komunitetet rom, ashkali dhe egjiptian
• Aftësi të shkëlqyeshme të komunikimit dhe ndër-personale;
• Metedologjinë e punës

Këto kritere do të përdoren për të vlerësuar aplikacionet dhe për të zgjedhur më të përshtatshëm për ofrimin e trajnimit.

8. DOKUMENTACIONI I KËRKUAR /KUSHTET PËR APLIKIM

Të gjithë të interesuarit që i përmbushin kriteret inkurajohen fuqishëm të aplikojnë dhe t'i dorëzojnë dokumentet e mëposhtme në e-mail adresën [email protected]

• CV;
• Referencat e mëparshme për ofrimin e trajnimeve të ngjajshme
• Oferta që detajon buxhetin dhe planin e punës dhe metedologjin për angazhimin.

9. MËNYRA E APLIKIMIT:

Aplikimi duhet të dorëzohet në formë të shkresës zyrtare në adresënorganizatës [email protected] , duke përfshirë dokumentacionin e nevojshëm si, CV-in, referencat e mëparshme si dhe oferten që detajon buxhetin dhe planin e punës dhe metedologjin për angazhimin. Marrja në shqyrtim dhe vlerësimi i aplikimeve do të bëhet në bazë të kritereve të përcaktuara në specifikimet e ofertës dhe kushtet për aplikim.

Afati i fundit për aplikim është deri më datë 16.6.2025

Ju lutemi specifikoni titullin e shpalljes në subjekt!

Çdo ofertë që dërgohet pas afatit të përcaktuar më lartë nuk do të merret parasysh.