Forumi Kosovar i Aftësisë së Kufizuar (FKAK) është një organizatë ombrellë dhe mekanizëm gjithëpërfshirës i të gjitha organizatave të personave me aftësi të kufizuar në Kosovë. FKAK është themeluar me asistencën e zyrës së Komisionit Evropian në Kosovë. Së fundmi, Forumi Kosovar i Aftësisë së Kufizuar është regjistruar legalisht (me numër regjistrimi 5116500- 4) si një organizatë që përfaqëson dhe mbron të drejtat e personave me aftësi të kufizuar në Kosovë, në mënyrë të unifikuar dhe pa asnjë dallim.

Forumi Kosovar i Aftësisë së Kufizuar në kuadër të saj ka të anëtëruar gjithsejtë tetë (8) organizata të personave me aftësi të kufizuar në Kosovë.

1. Shoqata e të Verbërve të Kosovës
2. Shoqata Kosovare e të Shurdhërve
3. Shoqata e Autizmit
4. HandiKos
5. Handikep Kosova
6. Down Syndrome Kosovo
7. Organizata e Prindërve të Fëmijëve me Aftësi të Kufizuar dhe
8. Klubi “Dëshira”

Organizatat e lartëcekura, veprojnë në mënyrë të pavaruar duke përfaqësuar respektivisht interesat e grupeve të vecanta të personave me aftësi të kufizuar. Nga ana tjetër, Forumi Kosovar i Aftësisë së Kufizuar është një mekanizëm gjithpërfshirës i të gjitha këtyre organizatave me qëllim të unifikimit të tyre dhe adresimit të cështjeve që në mënyrë uniforme prekin jetën e personave me aftësi të kufizuar në Kosovë.

Misioni

Misioni i kësaj organizate ombrellë, në të cilën janë të antarësuara të gjitha organizatat e personave me aftësi të kufizuar në Kosovë,  është të adresojë dhe avokojë për cështjet kruciale që prekin jetën e personave me aftësi të kufizuar, një komuniteti jo pak të diskriminuar dhe margjinalizuar në vendin tonë.