Në bazë të Ligjit Nr. 06/L – 114 për zyrtarët publikë, Neni 34 (2 dhe 3) dhe Rregullores (QRK) NR. 16/2020 për pranimin dhe karrierën në shërbimin civil të Republikës së Kosovës, Nenet: 7 dhe 9, Komuna Suharekë shpall:

Konkurs

Aplikimi është i hapur për të gjithë kandidatët e interesuar.

Emri i grupit: Specialistë i Teknologjisë Informative

Institucioni: Komuna Suharekë

Nr. i Referencës: RN00011675

Kodi: RPC0005286

Data e njoftimit: 18.05.2023

Afati për aplikim : 08.06.2023 - 22.06.2023

Përshkrimi i përgjithshëm i punës:

• Është përgjegjës për mbarëvajtjen e gjithë sistemit të TI-së në Komunë;
• Kujdeset për montimin e pajisjeve të teknologjisë informative përfshirë kompjuter, printer, skaner dhe pajisje tjera;
• Ndihmon personelin e institucionit në përdorimin e pajisjeve të teknologjisë informative, aplikacioneve dhe bazave të të dhënave dhe kryen aktivitete tjera me qëllim për t’iu ofruar gjithë personelit qasje të lehtë në sistemin e teknologjisë informative;
• Instalon kompjuterët me sisteme operative Windows, Office dhe softuer tjetër sipas nevojës duke ukujdesur për ruajtjen e shënimeve;
• Evidenton defektet në pajisje dhe sipas nevojës dhe në konsultim me mbikëqyrësin i mirëmban rregullisht ato;
• Mbikqyrë funksionimin e aplikacioneve të e-Pasurisë, e-Arkivës, Gjendjes Civile, Ueb-Faqes etj.
• Mirëmban serverët në sektorin e teknologjisë informative dhe të gjithë kompjuterët ne kuadër te komunës;
• Kryen edhe detyra tjera në përputhje me ligjet dhe rregulloret të cilat mund të kërkohen në mënyrë të arsyeshme kohë pas kohe nga mbikëqyrësi;

Kërkesat e përgjithshme për pranim:

• Të jetë shtetas i Republikës së Kosovës;
• Të ketë zotësi të plotë për të vepruar;
• Të zotërojë njërën nga gjuhët zyrtare, në pajtim me Ligjin për Gjuhët;
• Të jetë i aftë në pikëpamje shëndetësore për të kryer detyrën përkatëse;
• Të mos jetë i dënuar me vendim të formës së prerë për kryerjen e një vepre penale me dashje;
• Të mos ketë në fuqi një masë disiplinore për largim nga një pozitë e zyrtarit publik, të pushuar sipas këtij ligji.

Kërkesat e përgjithshme formale:

• Arsimimi i kërkuar: Diplomë/a e arsimit të lartë më së paku 3 vite të studimeve.-Fakulteti i Shkencave Kompjuterike, Fakulteti i Inxhinierisë Elektrike dhe Kompjuterike, Fakulteti i Elektroteknikës-(Të diplomuarit jashtë vendit duhet të kenë diplomën e Nostrifikuar nga MASHT-i). Diplomë e nivelit të pestë të KKK, për profesione deficitare (TIK);
• Përvoja e punës e kërkuar: Së paku 1 (një) vit përvojë pune në fushën për të cilën zhvillohet procedura për plotësimin e pozitës së lirë të punës.

Kërkesat (Njohuri, Aftësi dhe Cilësi) e përgjithshme të nevojshme:

• Njohuri të plotë dhe të specializuara në fushën profesionale specifike
• Nivel të lartë të njohurive profesionale ose teknike të fushës përkatëse dhe të kuptuarit e fushave që ndërlidhen me detyrat dhe përgjegjësit;
• Njohuri të mira metodave kërkimore, që ndihmojnë në përgatitjen e raporteve bazike ose analitike dhe në marrjen e vendimeve;
• Aftësi të arsyetimit logjik dhe analizës;
• Aftësi për të bërë gjykime profesionale të pavarura dhe për të ushtruar diskrecion mbi çështjet dhe për të dhënë një kontribut të rëndësishëm në zhvillimin dhe zbatimin e politikave;
• Shkathtësi hulumtuese, analitike, vlerësuese dhe formulim të rekomandimeve dhe këshillave profesionale;
• Aftësi komunikimi dhe ndikim personal, përfshirë aftësi për të përfaqësuar.

Pozitat aktualisht të lira:

Mënyra e aplikimit

Përmes portalit për rekrutim elektronik (https://konkursi.rks-gov.net)

Dokumentacioni që duhet paraqitur për aplikim:

• Kopjet e diplomave të dhëna nga institucionet arsimore;
• Kopjet e dëshmisë së punësimit- Kontratë e punës, Vërtetim punësimi (dëshmi shtesë nga TrustiPensional):
• Kopjet e dëshmisë së trajnimeve:
• Certifikaten nga Gjykata që nuk është nën hetime:

Mënyra e vlerësimit të kandidatëve/aplikantëve:

• Testimi me shkrim
• Vlerësimi i biografisë
• Intervistë

Fusha e njohurive, cilësive dhe aftësive që do të vlerësohen:

• Njohuri profesionale në fushën e teknologjisë informative;
• Shkathtësi për të organizuar punën e vet dhe për të koordinuar stafin e nivelit administrativ;
• Shkathtësi hulumtuese, analitike, vlerësuese të informacionit;
• Aftësi për përmbushje të detyrave dhe punëve nën presion;
• Komunikimi, vendimmarrja dhe bashkëpunimi;

Mënyra e njoftimit dhe komunikimit me kandidatët:

• Përmes email dhe portalit për rekrutim elektronik (https://konkursi.rks-gov.net)

Shpallja e rezultateve përfundimtare:

• Në përfundim të vlerësimit të kandidatëve, fituesi do të shpallet përmes portalit për rekrutim elektronik (https://konkursi.rks-gov.net). Të gjithë kandidatët pjesëmarrës në këtë procedurë do të njoftohen individualisht në mënyrë elektronike.

Të dhëna shtesë:

Udhëzim për Aplikim: Bashkangjitur keni linkun në youtube për mënyrën e aplikimit permes sistemit - platformës https://konkursi.rksgov.net/

https://www.youtube.com/watch?v=olwDDqCUeZI

Komunitetet joshumicë dhe pjesëtarët e tyre kanë të drejtë për përfaqësim të drejtë dhe proporcional në shërbimin civil të Kosovës, siç specifikohet në Ligj.

Komunitetet jo-shumicë dhe pjesëtarët e tyre, gjinia më pak e përfaqësuar dhe personat me aftësi të kufizuara inkurajohet të aplikojë për pozitat e shpallura.

Aplikacionet e dorëzuara pas afatit të paraparë nuk pranohen dhe aplikacionet e mangëta refuzohen