SOS FSHATRAT E FËMIJËVE KOSOVË ËSHTË DUKE KËRKUAR BASHKËPUNËTOR PËR NJËSINË E KUJDESIT ALTERNATIV

Pozita: Pedagog M/F

SOS Fshatrat e Fëmijëve Kosovë është një organizatë joqeveritare për zhvillim social, e cila është aktive në fushën e të drejtave të fëmijëve duke i mbështetur nevojat e tyre, që nga viti 1999. Ne krijojmë familje për fëmijë pa përkujdesje prindërore, dhe u ndihmojmë atyre që ta formësojnë të ardhmen e tyre dhe marrim pjesë në zhvillimin e komuniteteve të tyre. Për të përmbushur këtë mision, ne po kërkojmëkandidat/e të përkushtuar
për pozitën e Pedagogut.

QËLLIMI I POZITËS

Të zbatoj programin e duke përfshirë qasjet pedagogjike në krijimin dhe ruajtjen e nivelit të lartë të përkujdesjes për fëmijët dhe të rinjtë e njësisë Kujdesi Alternativ. Siguron mbështetje individuale dhe grupore për fëmijët, të rinjtë dhe familjet duke i pajisur ata me njohuritë dhe aftësitë e nevojshme për të zhvilluar potencialin e tyre.

DETYRAT DHE PËRGJEGJËSITË KRYESORE

• Krijimi dhe ruajtja e raporteve të ngrohta dhe të afërta mefëmijë, të rijnë dhe familje
• Vlerësimi dhe intervenimi pedagogjik për fëmijë dhe të rijnë
• Mbështetje pedagogjike individuale dhe grupore për fëmijë dhe të rijnë
• Këshillimi dhe udhëzimi i prindërve dhe familjes për fëmijë dhe të rijnë
• Planifikimi, dokumentimi dhe zbatimi i planeve edukative
• Krijimi i ambientit të shëndoshë dhe stimulues i të nxënit për fëmijë dhe të rijnë
• Organizimi i takimeve dhe mbajtja e kontakteve me shkolla dhe institucione tjera që ofrojnëshërbime arsimore
• Planifikimi dhe koordinimi i punës me ekipin psiko-pedagogjik
• Identifikimi i burimeve të mundshme të ndihmës nga komuniteti
• Përgjegjës për brenda fushës së punës për të parandaluar dhe mbrojtur fëmijët nga të gjitha format e abuzimit, braktisjes, eksploatimit, dhunës dhe diskriminimit duke u bazuar në parimet e Politikës për Mbrojtjen e Fëmijëve të SOS Fshatravetë Fëmijëve
• Identifikohet me, dhe zbatonvlerat, vizionin dhe misionin e organizatës

KRITERET E NEVOJSHME:

• Diplomë universitare në fushën e pedagogjisë apo edukimit
• Së paku 3 vjet përvojë pune në fushën relevante
• Aftësi të mira të komunikimit ndër personal dhe kompetencë sociale
• Aftësi për të punuar nën presion
• Shkathtësi në kryerjen e detyrave në mënyrë profesionale
• Fleksibilitet, gatishmëri për punë ekipore dhe përkushtim
• Gatishmëri për të mësuardhe për t’u zhvilluar në aspekt profesional
• Posedim i lejes së ngasjes së automjeteve (kategoria B)
• Gatishmëri të identifikohet me vizionin, misionindhe vlerat e SOS Fshatrave të Fëmijëve

NE OFROJMË

• Ambient mbështetës të punës
• Mundësi për zhvillim dhe ngritje profesionale
• Angazhim afatgjatë dhe të qëndrueshëm
  

Orari i punës

• 40 orë në javë
  

SOS Fshatrat e Fëmijëve Kosovë ofron mundësi të barabarta të punësimit për të gjithë punonjësit & aplikantët e kualifikuar pavarësisht nga mosha, raca, gjinia, origjina, përkatësia apo statusi martesor.
Ne i përmbahemi të gjitha ligjeve vendore që rregullojnë çështjen e diskriminimit në punë.

SOS Fshatrat e Fëmijëve Kosovë zbaton rregullore të brendshme që theksin kryesore kanë mbrojtjen, siç është Rregullorja për Mbrojtjen e Fëmijëve, politikënpër PSHEA (mbrojtjanga ngacmimi, shfrytëzimi dhe abuzimi seksual),Kodin e Mirësjelljes, ndër të tjera, dhe pret nga punonjësit t'i respektojnë dhe kërkojnë nga ta të nënshkruajnë një deklaratë me anë të të cilës konfirmojnë respektimin e të gjitha politikave për mbrojtje të SOS Fshatrave të Fëmijëve. Nënshkrimi i kësaj deklarate bëhet në të njëjtën kohë kur nënshkruhet kontrata, shoqëruar me një orientim lidhur me proceset e brendshme të politikave të aplikueshme.

SOS Fshatrat e Fëmijëve Kosovë, duke qenë organizatë e përkushtuar në mbrojtjen e të drejtave të fëmijëve dhe të rinjve, zbaton procedura strikte të rekrutimit duke përfshirë verifikimin e të kaluarës kriminale. Kandidatët e suksesshëm, ne raundin e tretë të procedurës së rekrutimit, duhet të sjellin vërtetimin nga gjykata dhe vërtetimin nga policia që nuk janë nën hetime dhe nuk kanë të kaluar kriminale. Verifikimet tjera përfshijnë kontrollimin e referencave nga punëdhënës paraprak të kandidatëve potencial. Për këtë arsye ju lutem i cekni qartë kontaktet e punëdhënësve paraprak, siç kërkohet në formën e aplikacionit.

Afati i fundit për aplikim është më 20 shkurt 2024 përmes emailit: [email protected]

Dokumentet e nevojshme për aplikim:

• Formulari i aplikimit/aplikacioni (shkarkohet nga web faqja www.soskosova.org);
• Kopje të Diplomave, Certifikatave dhe Referencave nga punëdhënës paraprak;
  

Nuk shqyrtohen aplikimet me dokumentacion të pakompletuar. Vetëm kandidatët e rrethit të ngushtë do të ftohen në intervistë.