Agjent i shitjes

Përmbledhje:

NEO Lubricants është distributor rajonal i vajrave lubrifikante premium, me partneritet strategjik për brendet CASTROL, ARAL, etj, duke furnizuar klientë komercial, industrialë dhe flota në gjithë Kosovën dhe rajon. Kompani operon nga një qendër moderne dhe me kapacitete të avancuara magazinimi qê na mundësojnë furnizim të shpejtë e të besueshëm tek klientët tanë.

Si Agjent i Shitjes në NEO Lubricants, ju do të luani një rol kyç në arritjen e objektivave të shitjes së kompanisë, duke ndërvepruar drejtpërdrejt me klientët për të promovuar dhe shitur produktet e brendeve ndërkombëtare. Ky pozicion është thelbësor për ruajtjen dhe zgjerimin e bazës së klientëve ekzistues, si dhe për zhvillimin e tregjeve të reja.

Detyrat dhe Përgjegjësitë:

• Ekzekutimi i Shitjeve: Angazhohuni me klientët për të promovuar dhe shitur vajrat lubrifikante dhe produktet e tjera të portofolit të NEO Lubricants, duke përmbushur ose tejkaluar objektivat e shitjes mujore dhe vjetore.
• Menaxhimi i Marrëdhënieve me Klientët: Ndërtoni dhe mbani marrëdhënie të forta dhe afatgjata me klientët për të siguruar qëndrueshmërinë dhe rritjen e shitjeve.
• Njohuri për Produktet: Zhvilloni dhe mbani një njohuri të thellë për gamën e produkteve të brendeve të kompanisë për të ofruar këshilla të informuara dhe efektive për klientët.
• Raportimi: Përgatitni dhe dorëzoni raporte të shitjeve ditore dhe javore te Menaxheri i Shitjes për të ndarë njohuri mbi progresin e shitjeve dhe reagimet e klientëve.
• Monitorimi i Tregut: Monitoroni tregun dhe konkurrentët për të identifikuar tendencat dhe mundësitë e reja të shitjes.
• Menaxhimi i Inventarit: Bashkëpunoni me Depoistin për të siguruar furnizimin e vazhdueshëm dhe të mjaftueshëm për përmbushjen e porosive të klientëve.
• Pajtueshmëria: Respektoni të gjitha udhëzimet e kompanisë dhe rregulloret ligjore për të siguruar përputhshmërinë me politikat dhe ligjet në fuqi.

Kualifikimet:

• Diplomë Bachelor në Ekonomi, Menaxhment, ose fusha të ngjashme (avantazh).
• Minimumi 2 vite përvojë në shitje direkte në teren, preferohet në sektorë të ngjashëm.
• Aftësi të shkëlqyera ndërpersonale dhe komunikuese.
• Aftësi për të punuar në mënyrë të pavarur dhe në grup.
• Njohuri të parimeve të shitjes dhe shërbimit ndaj klientit.

Çfarë ofrojmë:

• Pagë fikse konkurruese + bonus nga realizimi i shitjeve (pa limit)
• Përfitime shtesë si Paga e 13-të dhe bonuse shtesë për arritje të objektivave
• Mundësi për zhvillim profesional dhe avancim në karrierë.