Konkurs pune

Pozita: Menaxher/e i/e Projekteve

Vendi i punës: Prishtinë

Raporton tek: Drejtoresha ekzekutive

Fillimi i punës: 01.02.2023

Kohëzgjatja e kontratës: 31.12.2023 (me mundësi vazhdimi)

Orari i punës: 09:00-17:00

ARTPOLIS shpall konkurs për vend të lirë të punës në pozitën Menaxher/e i/e Projekteve ku inkurajohen gratë dhe komunitetet jo-shumicë. ARTPOLIS është Organizatë Jo-Qeveritare që vepron në Kosovë duke e promovuar kulturën, artin dhe bashkëjetesën multi-etnike, nëpërmjet dialogut social dhe përdorimit të teatrit si mjet për promovimin e diversitetit dhe ndryshimeve shoqërore.

Detyrat dhe përgjegjësitë

• Organizon dhe zbaton detyrat e projektit në kohë, në përputhje me procedurat e Artpolis dhe kërkesat e donatorëve.
• Organizon planifikimin e duhur, zhvillimin, zbatimin dhe vlerësimin e aktiviteteve të projektit.
• Të jetë në gjendje të punojë në terren me artistë, të rijnë dhe komunitete jo-shumicë.
• Të menaxhoj dhe koordinoj punët e punonjëseve të projektit.
• Efikasitet në implementimin e të gjitha aktiviteteve në kuadër të projektit.
• Të prezantojë projektin tek palët e interesit dhe të ndërtojë bashkëpunime dhe partneritete strategjike me komunitetin dhe përfituesit e projektit.
• Të menaxhoj punët dhe komunikimin me donatorët, partneret, artistët dhe komunitetin.
• Të sigurojë dukshmërinë e projektit dhe të komunikojë me media dhe palët në interes.
• Në mënyrë aktive të marrë pjesë në monitorimin e të gjitha aktiviteteve të projektit.
• Të përcjellë pagesat dhe menaxhimin e buxhetit në bashkëpunim me Menaxheren e Financave dhe Drejtoreshën Ekzekutive.
• Të identifikojë dhe propozojë aktivitete të reja për projekte si dhe të tregojë aftësi për mundësitë e reja të financimit të Strategjisë së Artpolis.
• Të identifikojë ekspertët potencial të cilët do të angazhohen në projekt.
• Aftësi të shkëlqyera të shkrimit të Projekt Propozimeve në gjuhën Angleze.
• Kryerja e detyrave tjera që ndërlidhen me Organizatën dhe që mund të caktohen nga drejtoresha ekzekutive.

Kualifikimet e kërkuara:

• Të paktën 3 vjet përvojë përkatëse në menaxhimin, shkrimin dhe implementimin e projekteve në organizata jo-qeveritare vendore ose ndërkombëtare.
• Të dëshmojë aftësi dhe angazhim qytetar dhe qasje aktiviste në zbatimin e projekteve që kanë për synim përmirësimin e të drejtave të njeriut me fokus gratë dhe të rinjtë, dhe promovimin e diversitetit në Kosovë, pa paragjykime gjinore, racore, etnike dhe orientimi seksual.
• Të ketë të përfunduar universitetin - niveli bachelor (preferohet shkenca sociale, fakulteti i arteve ose menaxhim).
• Njohuri të përsosura të gjuhës shqipe dhe angleze në shkrim dhe në të folur, e dëshirueshme edhe njohja e gjuhës serbe.
• Aftësi të shkëlqyera organizative dhe të menaxhimit të kohës dhe të tregojë vetë iniciativë dhe përkushtim në zbatimin e misionit dhe vizionit të ARTPOLIS.
• Aftësi për të punuar në një mënyrë efektive me kolegët, qasje pozitive dhe fleksibilitet.
• Aftësi të shkëlqyera me kompjuter (Word, Excel, PowerPoint).

Procesi i aplikimit

Të gjithë të interesuarit/at duhet të dërgojnë CV-të e tyre, letrën motivuese dhe tri referenca në e-mail adresën: [email protected]

Afati i aplikimit: 25.01.2023, ora 24:00.

Vetëm personat që futen në listën e ngushtë do të kontaktohen për intervistë.

Për tu informuar më shumë për punën e Artpolis, ju lutem vizitoni faqen tonë në internet

www.artpolis-ks.com