Me stilin e saj modern, Center Mall prezanton një valë të re të argëtimit në qytetin e Gjakovës. Duke ofruar eksperiencë të re në blerje, Center Mall plotëson të gjitha kërkesat dhe nevojat e konsumatorëve përmes ofrimit të mallrave, produkteve dhe shërbimeve unike e cilësore.

Në Center Mall mund të gjeni dyqanin e tekstilit, galanterinë e këpucëve, kozmetikës, orëve dhe bizhuterive me një shumëllojshmëri të markave, bashkë me dyqane dhe hapësira të tjera të cilat janë vazhdimisht në dispozicion të klientëve.

E njohur për restaurantin, kafetë e mrekullueshme, ushqimin e shpejtë dhe të shijshëm, krepërinë e parë në Gjakovë, si dhe këndin e lojërave për fëmijë, Center Mall ofron komoditetin e duhur për argëtimin tuaj dhe më të dashurve tuaj gjatë gjithë ditës. Me fokus të veçantë në kohë të pauzës, vikendit, pasditës dhe ditëve të veçanta, Center Mall synon komoditetin maksimal për klientët.

Eksperiencën në blerje dhe argëtim, e plotëson dhe eksperienca në relaksim, e cila ofrohet nga Fitness Center dhe Sport Shop që gjenden në Center Mall.

E pozicionuar në qendër të qytetit të Gjakovës, Center Mall është kthyer në një destinacion të rëndësishëm për blerje, argëtim dhe relaksim të qytetarëve të rrafshit të Dukagjinit.