KËRKESË PËR OFERTË

Mirëmbajtje dhe Servisim i Automjeteve me Frigorifer (freskuese dhe ngrirëse)
DAUTI KOMERC SH.P.K. – Ferizaj

Përshkrimi i kërkesës:

Dauti Komerc SH.P.K., një nga kompanitë lider në distribuimin e produkteve ushqimore në Kosovë, fton të aplikojnë kompani ose operatorë ekonomikë të specializuar në mirëmbajtjen dhe servisimin e automjeteve transportuese të pajisura me sisteme frigoriferike, për ruajtjen e produkteve në temperatura të ulëta (freskuese dhe ngrirëse).

Objekti i kontratës:

Ofrimi i shërbimeve teknike për automjetet me frigorifer, duke përfshirë:

• Kontroll dhe servisim periodik të sistemeve frigoriferike
• Diagnostikim dhe riparim të defekteve
• Mbushje dhe shtesë me gaz frigoriferik, ndërrim i pjesëve të dëmtuara
• Intervenim të shpejtë në raste urgjente dhe në terren.
• Raportim të detajuar për çdo intervenim dhe ofrim të garancisë për punën dhe pjesët
• (Opsionale) Pastrim dhe dezinfektim i brendshëm i hapësirës frigoriferike
  

Kriteret për aplikuesit:

• Të kenë përvojë relevante në servisimin e frigoriferëve për automjete
• Kapacitet për intervenim të shpejtë në të gjithë territorin e Kosovës
• Të jenë të pajisur me mjete dhe pajisje profesionale për diagnostikim dhe servis
• Të ofrojnë çmime konkurruese për shërbime dhe pjesë rezervë
• Referencat nga bashkëpunime të mëparshme përbëjnë përparësi
  

Përmbajtja e ofertës duhet të përfshijë:

• Çmimet për mirëmbajtje mujore ose për çdo intervenim të veçantë
• Lista e shërbimeve që ofrohen
• Afatet mesatare të reagimit pas kërkesës për servis
• Të dhëna për përvojën dhe kapacitetet teknike të kompanisë
• Afati i vlefshmërisë së ofertës
• Të dhëna kontaktuese dhe numri unik i identifikimit të biznesit (NUI)
  

Afati për dorëzim të ofertave:

Ofertat duhet të dërgohen deri më 01.07.2025 në adresën elektronike: info@dauti-ks.com ose fizikisht në selinë e kompanisë në Ferizaj.

Nr.kontaktues 049-350-869