Në bazë të Ligjit Nr. 08/L – 197 për zyrtarët publikë, Neni 39 (1,2,3,4,5 dhe 6) dhe Rregullores (QRK) NR. 15/2023 për pranimin dhe karrierën në shërbimin civil të Republikës së Kosovë, Neni 5 Ministria e Industrisë, Ndërmarrësisë dhe Tregtisë shpall:

Konkurs

Aplikimi është i hapur për të gjithë kandidatët e interesuar.

Emri i grupit: Grupi i përgjithshëm i inxhinierisë

Titulli i pozitës së punës: Zyrtar për Metrologji

Klasa e pozitës: Profesional 2

Koeficienti/Paga: 5.1

Nr. i kërkuar: 1

Kohëzgjatja e emërimit : Emërim me afat të pacaktuar

Data e njoftimit: 23/10/2024

Afati për aplikim: 24/10/2024 - 22/11/2024

Institucioni : Ministria e Industrisë, Ndërmarrësisë dhe Tregtisë

Departamenti: Agjencia e Metrologjisë se Kosoves

Divizioni

Vendi i punës: Prizren

Nr. i Referencës: RN00015579

Kodi: RPC0009118

Përshkrimi i përgjithshëm i punës

• Kryen detyrat dhe punët me të cilat sigurohet matja dhe përdorimi i mjeteve matëse, të masës, vëllimit, në pajtim me dokumentet dhe rekomandimet e OIML-it;
• Në koordinim me zyrtarin e lartë të cilësisë, zhvillon dhe mirëmban Sistemin e Menaxhimit të Cilësisë për laboratorin e masës në përputhje të plotë me standardin ISO 17020
• Propozon dhe përgatitë akte nënligjore dhe udhëzime tjera nga domeni i përgjegjësive të veta dhe koordinon futjen në fuqi të udhëzimeve tjerë me të cilët veprojnë institucionet tjerë të metrologjisë të autorizuar;
• Mirë mirëmban dhe kujdeset për respektimin e afateve të kalibrimit të bazës së etalonëve shtetërorë të punës të cilët i kanë në përdorim .
• Mbikëqyrë dhe siguron gjurmëueshmërinë matëse në Republikën e Kosovës deri tek etalonët sekondar shtetërorë të njësive matëse;
• Kryen verifikim të etalonëve, pajisjeve, enëve matëse të cilat i shfrytëzon përdoruesi i fundit (konsumatori) në

përputhje me rekomandimet dhe dokumentet e Organizatës Ndërkombëtare për Metrologji Ligjore OIML , si dhe me dokumentet e tjera relevante (Standardet Ndërkombëtare);

• Propozon marrjen e pëlqimit për lejimin ose ndalimin e përdorimit të llojit ( tipit) të caktuar të mjetit matës;
• Propozon prioritetet e realizimit të projekteve zhvillimore dhe merr pjesë aktive në projekte;
• Merr pjesë në verifikimin e plotësimit të kushteve metrologjike dhe jep pëlqim për hapjen e laboratorëve të autorizuara për shqyrtimin e mjeteve matëse të masës, vëllimit dhe të gjatësisë si dhe bën kontrollimin e pajisjeve matëse - kontrolluese dhe të pajisjeve përcjellëse në laboratorët e autorizuar nga drejtoria;
• Propozon dhe merr pjesë në hartimin e studimeve, strategjinë e zhvillimit, projekte, analiza dhe punë tjera me qëllim të ndërtimit të sistemit të cilësisë në metrologji dhe në infrastrukturën e laboratorëve të metrologjisë ligjore;
• Bën ekspertizën e mjeteve matëse të masës, vëllimit parashtruar nga ana e organeve publike (zyrtare) si: gjykata,dogana, inspeksioni etj. dhe jep njoftim zyrtar mbi rezultatet e ekspertizës.

Kriteret e përgjithshme për pranimin në detyrë, sipas nenit 9 të LZP-së

• Të jetë shtetas i Republikës së Kosovës;
• Të ketë zotësi të plotë për veprim, sipas legjislacionit në fuqi;
• Të zotërojë të paktën njërën nga gjuhët zyrtare, në pajtim me Ligjin për Gjuhët;
• Të jetë e/i aftë për të kryer detyrën përkatëse;
• Të mos jetë e/i dënuar për kryerjen e një veprës penale me dashje;
• Të mos ketë në fuqi masë disiplinore për shkelje të rëndë në institucion publik.
• Të ketë arsimin, përvojën e punës profesionale dhe/apo aftësitë e kërkuara për pozitën, kategorinë, klasën apo grupin përkatës.
• Të kaloj me sukses procedurat e pranimit të përcaktuara në këtë ligj.

Kërkesat e përgjithshme formale

• Arsimimi i kërkuar: Diplomë e arsimit të lartë e nivelit të parë (Bachelor). Fakulteti teknik (Inxhinieri mekanike - Industriale), Fakulteti i shkencavenatyrore –drejtimi Fizikë.
• Kërkesat specifike: Certifikata, licenca kur kërkohen me legjislacionin në fuqi apo kur vlerësohet se janë të nevojshme për pozitat e kësaj klase.
• Përvoja e punës e kërkuar: Së paku 1 (një) vit përvojë pune në fushën për të cilën zhvillohet procedura për plotësimin e pozitës së lirë të punës.

Njohuritë, aftësitë dhe cilësitë e kërkuara në procedurën e rekrutimit

• Njohuri të plotë dhe të specializuara në fushën profesionale specifike.
• Nivel të lartë të njohurive profesionale ose teknike të fushës përkatëse dhe të kuptuarit e fushave që ndërlidhen me detyrat dhe përgjegjësitë.
• Njohuri të mira të metodave kërkimore, që ndihmojnë në përgatitjen e raporteve bazike ose analitike dhe në marrjen e vendimeve.
• Aftësi të arsyetimit logjik dhe analizës.
• Aftësi për të bërë gjykime profesionale të pavarura dhe për të ushtruar diskrecion mbi çështjet dhe për të dhënë një kontribut të rëndësishëm në zhvillimin dhe zbatimin e politikave.
• Shkathtësi hulumtuese, analitike, vlerësuese dhe formulim të rekomandimeve dhe këshillave profesionale.
• Aftësi komunikimi dhe ndikim personal, përfshirë aftësi për të përfaqësuar.
• Njohja e gjuhëve të huaj (e preferueshme).

Dokumentet që duhet të dorëzohen si pjesë e aplikimit dhe mënyrën e dorëzimit të tyre

• Kopjen e letërnjoftimit/pasaportës/certifikatës së shtetësisë së Republikës së Kosovës.
• Kopjen e diplomës të kërkuar me konkurs të lëshuar nga institucionet arsimore të Republikës së Kosovës. Nëse diploma është fituar jashtë vendit, vërtetimin e nostrifikimit të diplomës së fituar apo aktin që dëshmon se diploma e fituar është në procedurë të nostrifikimit, me kusht që nostrifikimi i diplomës të dorëzohet deri në momentin e nënshkrimit të aktit për emërim në pozitë;
• Kopjet e dëshmisë së punësimit(vërtetim/kontratë) të lëshuar nga institucioni përkatës i punësimit për përvojën e punës, që përcakton pozitën e punës si dhe kohëzgjatjen e angazhimit në atë pozitë.Dëshmisë e punësimit jashtë institucioneve publike duhet të mbështet së paku njëra nga dëshmitë si në vijim: pasqyra e pagesave në fondin e kursimeve pensionale apo pasqyra e pagesave të obligimeve tatimore në përputhje me legjislacionin tatimor për të ardhurat personal.
• Dëshmi që nuk ka në fuqi masë disiplinore për shkelje të rëndë në institucion publik (Kanidatët që janë të punësuar apo kanë qenë të punësuar në institucione publike).
• Dëshmitë e trajnimeve profesionale të ndjekura apo trajnimeve që aplikuesi i ka realizuar në cilësinë e trajnuesit.
• Kopjet e dokumenteve tjera që provojnë plotësimin e kushteve për aplikim të përcaktuara në shpalljen e rekrutimit dhe të deklaruara në aplikacion.

Dëshmitë që nuk kërkohen gjatë aplikimit, por në fazën e verifikimit para emërimit

• Certifikatë mbi dënimet penale origjinale e lëshuar nga gjykata përmes së cilës dëshmohet se nuk është i/e dënuar për kryerjen e veprës penale me dashje, jo më të vjetër se(6) muaj nga data e lëshimit.
• Dëshmi se kandidati është i aftë në pikëpamje shëndetësore.
• Dëshmi përkatëse se kandidati ka zotësi të plotë për të vepruar.

Data e daljes së rezultateve të vlerësimit paraprak

• Lista e kandidatëve të cilët plotësojnë kushtet për pranim do të shpallet më së largu deri më datën 07/12/2024, në portalin e rekrutimit elektronik (https://konkursi.rks-gov.net )

Kriteret specifike shtesë

Mënyra e vlerësimit të kandidatëve/aplikantëve

• Testimi me shkrim – maksimumi 70 pikë
• Intervista – maksimumi 30 pikë

Mënyra e njoftimit dhe komunikimit me kandidatët

• Përmes email dhe portalit për rekrutimi elektronik (https://konkursi.rks-gov.net)

Mënyra e aplikimit

• Përmes portalit për rekrutimi elektronik (https://konkursi.rks-gov.net)

Data e shpalljes së rezultateve përfundimtare

• Në përfundim të vlerësimit të kandidatëve, fituesi do të shpallet përmes portalit për rekrutimi elektronik

(https://konkursi.rks-gov.net). Të gjithë kandidatët pjesëmarrës në këtë procedurë do të njoftohen individualisht në mënyrë elektronike.

Të dhëna shtesë:

• Pas përzgjedhjes së kandidatit fitues, njësia përgjegjëse bën verifikimin para emërimit me qëllim të vërtetimit se kandidatët vazhdojnë të plotësojnë kriteret e konkursit, përmes dokumenteve ne origjinal apo të njësuara me origjinalin.

Komunitetet jo shumicë dhe pjesëtarët e tyre, personat me aftësi të kufizuar dhe gjinia më pak e përfaqësuar kanë të drejtë për përfaqësim të drejtë dhe proporcional në shërbimin civil të Kosovës, siç specifikohet në LZP.

Aplikacionet e dorëzuara pas afatit të paraparë nuk pranohen dhe aplikacionet e mangëta refuzohen