SHPALLJE PËR VEND PUNE

OJQ "Zëri i Romëve, Ashkalinjëve dhe Egjiptianëve" shpall konkurs për tutorë si në vijim:

Pozita: 1 pozitë për Tutorë të qendrës mësimore

Vendi i punës: SH.F.M.U “Ismail Luma” në Lipjan

Orari: 8 orë në ditë

______________________________________________________________________________

Njohuritë dhe shkathtësitë

• Diplomë në Fakultetin e Edukimit;
• Përvojë në fushën e arsimit (së paku 2 vite)
• Njohje të punës me kompjuterë
• Njohës/e i/e mirë e fushës së arsimit dhe zhvillimit të fëmijës;
• Aftësi shumë të mira komunikimi;
• Të ketë njohuri të kulturës, traditave dhe punës me pjesëtarë të komuniteteve rom, ashkali dhe egjiptian;
• Aftësi analitike dhe zgjidhjes së problemeve;
• Aftësi të mira organizative dhe të punës në grupe;
• Aftësi për menaxhimin e stresit dhe punës në presion;

Vlerat Personale:

Tutori/ja e qendrës mësimore duhet të ruajë konfidencialitetin e plotë në kryerjen e detyrave dhe përgjegjësive në punë. Nëpunësi, gjithashtu duhet të demonstrojë atributet e mëposhtme personale:

• Të jetë i/e sinqertë dhe i besueshëm;
• Të jetë i/e respektueshëm;
• Të ketë ndjeshmëri për ndryshimet kulturore;
• Të jetë fleksibil/e;
• Të demonstrojë etikë të shëndoshë të punës;
• Të respektojë të drejtat e fëmijës;
• Të respektojë orarin e punës;

Përgjegjësitë:

Duke aplikuar të gjitha fazat e ciklit të mësimdhënies, mësim-nxënies dhe mbështetjes përmes punës dhe angazhimit në qendra mësimore. Gjithashtu duke u siguruar që të gjitha objektivat, planet e punës dhe aktivitetet janë duke u përmbushur, organizuar, ekzekutuar dhe raportuar, tutori i qendrës mësimore është përgjegjës për:

• Promovimi i ngritjes së vetëdijes për edukim përmes organizimit të aktiviteteve në qendrat mësimore;
• Përcjellja e programit dhe punës kualitative me fëmijë në fushën e arsimimit, duke respektuar planin e punës dhe të gjitha manualet e hartuara nga organizata;
• Mbledhja e te dhënave dhe arkivimi i tyre për çdo nxënës dhe suksesin e tij/saj;
• Përcjellja e vijueshmërisë së fëmijëve në shkollë dhe qendër;
• Organizimin dhe zhvillimin e programit verorë për nxënësit e qendrave mësimore;
• Realizimin e aktiviteteve që kanë për qëllim zvogëlimin e braktisjes së shkollimit, uljes së paragjykimeve, stereotipeve dhe diskriminimit;
• Bashkëpunim i afërt me prindër duke përfshirë takimet e rregullta dhe diskutimin për suksesin e fëmijës dhe punë të përbashkët në ndihmë të tyre;
• Bashkëpunim i rregullt dhe këmbim i informatave me te gjithë akterët që punojnë në fushën e edukimit duke përfshirë komunën, ministrinë, organizatën dhe institucionet e tjera;
• Raportimi i rregullt te koordinatori i qendrës mësimore dhe ndarja e informatave / të dhënave tek zyrtari i organizatës “Voice of Roma, Ashkali and Egyptians”;
• Të kryejë punën e tij/saj në përputhje me vlerat dhe parimet e Organizatës duke siguruar respektimin e plotë të rregullave dhe procedurave si dhe kodit të mirësjelljes;
• Të ofrojë mbështetje për aktivitete të tjera të përfshira në planet e punës së Organizatës dhe Drejtorisë Komunale të Arsimit, sipas kërkesës;

Dispozitat përfundimtare

OJQ "Zëri i Romëve Ashkalinjve dhe Egjiptianëve" ofron mundësi të barabarta të punësimit për të gjithë shtetasit e Republikës së Kosovës.

Të gjithë kandidatët e interesuar të dërgojnë CV-në e tyre dhe një letër motivuese (të bashkangjitura me rekomandime, diplomat e shkollimit, dhe ҁertifikatat e trajnimeve).

Mos dorëzimi i plotë i dokumenteve rezulton në mos shqyrtimin e aplikacionit.

Ne inkurajojmë kandidatët nga komunitetet Rom, Ashkali, dhe Egjiptian) të aplikojnë për pozitën e shpallur. Aplikimi realizohet përmes formës elektronike: [email protected]

Për më shumë informata ju mund të na kontaktoni në po të njejtin e-mail ose në nr. tel. +383 49 935 568. Afati i fundit për aplikimi është deri më datën 12.09.2025 deri në ora 16:00.