TERMAT E REFERENCËS PËR PEER MENTORË (student)

INFORMACION I PËRGJITHSHËM

OJQ “Zëri i Romëve, Ashkalinjve dhe Egjiptianëve” është një organizatë jofitimprurëse që punon për përmirësimin e kushteve të jetesës dhe integrimin e komuniteteve rom, ashkali dhe egjiptian në shoqërinë kosovare. Organizata ofron mbështetje për arsim, punësim, trajnime dhe avokim për të drejtat e këtyre komuniteteve.

KONTESTI I NDËRHYRJES

Studentët e komuniteteve rom, ashkali dhe egjiptian përballen me sfida të shumta në arsimin e lartë, përfshirë pengesa ekonomike, sociale dhe kulturore, diskriminim, mungesë motivimi dhe orientimi në karrierë. Për të mbështetur progresin e tyre, OJQ ka krijuar programin:

“Mbështetje plotësuese për studime akademike për studentët e komuniteteve rom, ashkali dhe egjiptian”

Ky program synon të ofrojë mbështetje akademike dhe jo-akademike, të rrisë pjesëmarrjen e studentëve në arsimin universitar dhe t’i ndihmojë ata të integrohen më lehtë në tregun e punës.

QËLLIMI I PROGRAMIT TË PEER MENTORËVE

Peer mentorët do të ofrojnë mbështetje dhe udhëzime të vazhdueshme akademike për studentët e komuniteteve rom, ashkali dhe egjiptian, duke i ndihmuar ata të përballojnë sfidat e arsimit të lartë. Mentorët do të ndihmojnë në menaxhimin e lëndëve, kuptimin e kërkesave universitare dhe zhvillimin e strategjive efektive të studimit, duke krijuar një kulturë bashkëpunimi dhe mbështetjeje ndërmjet studentëve.

PROFILI I MENTORIT

Mentorët duhet të plotësojnë kriteret e mëposhtme:

• Gjendja akademike: Student të vitit të dytë ose të tretë, me rezultate të larta akademike.
• Rekomandim: Të rekomanduar nga dekanët ose anëtarët e fakultetit.
• Motivim: Dëshirë dhe gatishmëri për të ndihmuar studentët e tjerë.
• Aftësi komunikimi: Aftësi për të shpjeguar qartë konceptet dhe për të dëgjuar aktivisht.
• Aftësi organizative: Menaxhim i mirë i kohës dhe angazhimeve akademike.

DETYRAT E MENTORIT

• Mbështetje deri në 5 studentë.
• Takime mentorimi dy herë në muaj (grupore ose individuale).
• Përgatitja e një raporti pas çdo takimi mbi temat dhe progresin e studentëve.

KOMPENSIMI

Mentorët do të kompensohen me 46 euro për secilën seancë 90-minutëshe.

KRITERET E PËRZGJEDHJES

• Student të viteve të larta të studimit.
• Nota mesatare e lartë dhe arritje akademike të spikatura.
• Rekomandime nga universiteti/fakulteti/kolegji.
• Aftësi të forta ndërpersonale dhe organizative.

DOKUMENTACIONI I KËRKUAR

• CV
• Letër motivimi
• Pasqyrë notash dhe vërtetim nga universiteti
• Rekomandime nga dekanët ose anëtarët e fakultetit
• Dëshmi për përvojë si mentor (nëse ka)

VENDET KU KEMI NEVOJË PËR MENTORË

Universiteti i Prishtinës “Hasan Prishtina”

• Fakulteti i Edukimit – 1 Mentor
• Fakulteti Ekonomik – 1 Mentor
• Fakulteti Juridik – 1 Mentor
• Fakulteti i Mjekësisë – 1 Mentor
• Fakulteti Teknik – Arkitekturë – 1 Mentor
• Fakulteti i Arteve (Regji filmi, Artet e bukura, Muzikë) – 1 Mentor

Universiteti i Prizrenit “Ukshin Hoti” – 1 Mentor
Universiteti i Gjakovës “Fehmi Agani” – 1 Mentor
Universiteti i Pejës “Haxhi Zeka” – 1 Mentor
Universiteti i Shkencave të Aplikuara në Ferizaj – 1 Mentor

Kolegje:

• AAB – 2 Mentorë
• IBCM – 1 Mentor
• UBT – 1 Mentor
• Universum – 1 Mentor

MËNYRA E APLIKIMIT

Të gjithë studentët që i përmbushin kriteret mund të aplikojnë duke dërguar dokumentacionin e kërkuar në adresën [email protected] me subjekt “Aplikim për Peer Mentor”.

Universitetet, fakultetet dhe kolegjet ftohen të rekomandojnë studentë të cilët i konsiderojnë të përshtatshëm për këtë rol. Rekomandimet duhet të dërgohen së bashku me dokumentacionin e studentit në të njëjtën adresë emaili dhe me të njëjtin subjekt “Aplikim për Peer Mentor”.

Afati i fundit për aplikim: 23/10/2025
Aplikimet e dërguara pas këtij afati nuk do të shqyrtohen.