Terma të Referencës

Konsulent vendor për hartimin e Raportit të Progresit për vitin 2025 të Planit të Veprimit për të Drejtat e Personave me Aftësi të Kufizuara 2025-2027.

1. Rreth organizatës

Forumi Kosovar i Aftësisë së Kufizuar (FKAK) është organizatë jofitimprurëse ombrellë dhe mekanizëm përfaqësues i Organizatave të Personave me Aftësi të Kufizuar në Kosovë, e cila përfaqëson, mbronë dhe promovon të drejtat e personave me aftësi të kufizuara pa asnjë dallim.

2. Objektivi

Forumi Kosovar i Aftësisë së Kufizuar në bashkëpunim me Zyrën për Qeverisje të Mirë në kuadër të Qeverisë së Kosovës, synon të angazhojë një konsulent të specializuar për hartimin e Raportit të Progresit për vitin 2025 të Planit të Veprimit për të Drejtat e Personave me Aftësi të Kufizuara 2025-2027.

Ky raport do të realizohet në kuadër të projektit “Asgjë për ne pa zërin tonë”, i cili zbatohet nga Forumi Kosovar i Aftësisë së Kufizuar në partneritet me Save the Children Kosovo/a financuar nga Agjencia Suedeze për Bashkëpunim Ndërkombëtar dhe Zhvillim.

3. Qëllimi i angazhimit

Qëllimi i këtij angazhimi është përgatitja e Raportit të Progresit për vitin 2025, i cili do të vlerësojë nivelin e zbatimit të masave të Planit të Veprimit 2025–2027, arritjet, sfidat, boshllëqet dhe rekomandimet për përmirësim.

4. Përvoja dhe shkathtësitë e nevojshme

Konsulenti/ja duhet t`i ketë kualifikimet dhe shkathtësitë e mëposhtme:

• Të jetë shtetas i Republikës së Kosovës, apo të jetë i pajisur me leje pune nga Republika e Kosovës;
• Diplomë universitare (Master ose ekuivalente) në shkenca sociale, politika publike, të drejta të njeriut ose fusha të ngjashme;
• Njohuri të avancuara mbi të drejtat e personave me aftësi të kufizuara dhe Konventen për të Drejtat e Personave me Aftësi të Kufizuara;
• Përvojë paraprake në hartimin e raporteve të tilla;
• Aftësi për të hartuar raporte koncize dhe me cilësi të lartë, të kuptueshme për lexuesin, duke shfaqur shkathtësi të shkëlqyeshme analitike;
• Eksperiencë në mbledhjen, analizimin dhe interpretimin e të dhënave nga burime të ndryshme, si raportet e institucioneve, studimet akademike dhe statistikat qeveritare;
• Kreativ, i/e hapur për konsultime dhe pranon sugjerime.

5. Fusha e punës

• Shqyrtimin e dokumenteve strategjike dhe ligjore relevante;
• Mbledhjen dhe analizën e të dhënave nga institucionet përgjegjëse dhe aktorët relevantë;
• Konsultime (takime/intervista) me institucionet publike, OShC-të dhe përfaqësues të personave me aftësi të kufizuara;
• Analizën cilësore dhe sasiore të progresit;
• Hartimin e draft-raportit dhe integrimin e komenteve të marra
• Dorëzimin e raportit final

6. Si të aplikoni?

Kandidatët e interesuar mund të aplikojnë duke dorëzuar dokumentacionin e listuar më poshtë, në emailin: [email protected] me subjekt: Konsulent vendor për hartimin e Raportit të Progresit për vitin 2025 të Planit të Veprimit për të Drejtat e Personave me Aftësi të Kufizuara 2025-2027.

1. Diplomë universitare;
2. Curriculum Vitae (CV);
3. Letër motivuese;
4. Metodologjia e përpilimit të raportit;
5. Dëshmi të përvojës në raporte të ngjashme;
6. Ofertën financiare;
7. Deklaratë nën betim se të dhënat e dorëzuara nga ai/ajo janë të vërteta.

7. Afati i angazhimit

Angazhimi do të zgjasë 15 ditë dhe duhet të përfundojë brenda muajve shkurt-mars..

8. Kriteret për përzgjedhje janë

Afati fundit për aplikim është data 19 shkurt 2026.