Në bazë të Ligjit Nr. 08/L – 197 për zyrtarët publikë, Neni 39 (1,2,3,4,5 dhe 6) dhe Rregullores (QRK) NR. 15/2023 për

pranimin dhe karrierën në shërbimin civil të Republikës së Kosovë, Neni 5 Ministria e Bujqësisë, Pylltarisë dhe Zhvillimit Rural-Agjencia e Ushqimit dhe Veterinarisë shpall:

Konkurs

Aplikimi është i hapur për të gjithë kandidatët e interesuar.

Emri i grupit: Grupi i administrimit të përgjithshëm

Titulli i pozitës së punës: Zyrtar i Lartë për Integrime Evropiane

Klasa e pozitës: Profesional 1

Koeficienti/Paga: 5.7

Nr. i kërkuar : 1

Kohëzgjatja e emërimit: Emërim me afat të pacaktuar

Data e njoftimit : 02/10/2024

Afati për aplikim: 03/10/2024 - 01/11/2024

Institucioni: Ministria e Bujqësisë, Pylltarisë dhe Zhvillimit Rural- Agjencia e Ushqimit dhe Veterinarisë

Departamenti : Zyra e Kryeshefit Ekzekutiv

Divizioni

Vendi i punës: Agjencia e Ushqimit dhe Veterinarisë

Nr. i Referencës: RN00015335

Kodi : RPC0008874

Përshkrimi i përgjithshëm i punës

• Koordinon punën ndërmjet zyrës dhe njësive tjera organizative të Agjencisë përkitazi me Mekanizmin Përcjellës të Procesit të Stabilizim Asocimit;
• Përgatitë materialet e duhura për takimet (mbledhjet e DPSA) që kanë të bëjnë me problematiken e Sigurisë Ushqimore dhe Veterinarisë (Pyetësorët e Komisionit Evropian, etj.);
• Organizon dhe mirëmbanë bazën e të dhënave dhe dokumentacionit lidhur me këto takime dhe të ngjashme;
• Këshillon dhe informon përgjegjësin e tij lidhur me ngjarjet me të rëndësishme nga lëmia të cilën e mbulon dhe përgatitë rekomandime lidhur me to;
• Organizon dhe koordinon të gjitha aktivitetet ndërmjet Zyrës dhe njësive tjera organizative të Agjencisë lidhur me shfrytëzimin sa me të suksesshëm të programit të Ndihmës Teknike të BE-së për vendet në fazën e para anëtarësimit (TAIEX-it, Binjakëzimit, Ekspertiza, vizita studimore, etj.);
• Mirëmbanë dhe përditëson bazën e të dhënave lidhur me burimin e shfrytëzimit të të dhënave të BE-së dhe institucioneve e organizmave të rëndësishëm ndërkombëtar nga fushëveprimtaria vet;
• Kryen edhe detyra tjera në pajtim me ligjet dhe rregulloret aktuale të cilat me arsye mund të kërkohen kohë pas kohë nga mbikëqyrësi.

Kriteret e përgjithshme për pranimin në detyrë, sipas nenit 9 të LZP-së

• Të jetë shtetas i Republikës së Kosovës;
• Të ketë zotësi të plotë për veprim, sipas legjislacionit në fuqi;
• Të zotërojë të paktën njërën nga gjuhët zyrtare, në pajtim me Ligjin për Gjuhët;
• Të jetë e/i aftë për të kryer detyrën përkatëse;
• Të mos jetë e/i dënuar për kryerjen e një veprës penale me dashje;
• Të mos ketë në fuqi masë disiplinore për shkelje të rëndë në institucion publik.
• Të ketë arsimin, përvojën e punës profesionale dhe/apo aftësitë e kërkuara për pozitën, kategorinë, klasën apo grupin përkatës.
• Të kaloj me sukses procedurat e pranimit të përcaktuara në këtë ligj.
  
  
  Kërkesat e përgjithshme formale
  • Arsimimi i kërkuar: Diplomë Universiteti – Diplomë e arsimit të lartë e nivelit të parë (Bachelor).(Vertetimi mbi nostrifikimin e diplomes se fituar jashtevendit, apo aktin qe deshmonse diploma e fituar jashtevendit eshte ne procedure te nostrifikimit, me kusht qe nostrifikimi i diplomes te dorezohet deri ne momentin e nenshkrimit te aktit per emerim ne pozite);
  • Kërkesat specifike: Njohuri profesionale specifike në fushën e Integrimeve Evropiane; Njohuri të ligjeve dhe rregulloreve të aplikueshme për fushën e Integrimeve Evropiane; Shkathtësi hulumtuese, analitike dhe vlerësim të informacionit; Njohja e gjuhës angleze;
  • Përvoja e punës e kërkuar: Së paku dy (dy) vite përvojë pune në fushën për të cilën zhvillohet procedura për plotësimin e pozitës së lirë të punës;

Njohuritë, aftësitë dhe cilësitë e kërkuara në procedurën e rekrutimit

• Njohuri të thella dhe të specializuara në fushën profesionale specifike.
• Nivel të lartë të njohurive profesionale ose teknike të fushës përkatëse dhe të kuptuarit e fushave që ndërlidhen me detyrat dhe përgjegjësitë.
• Njohuri të gjëra të fushës, të metodave kërkimore, që ndihmojnë në përgatitjen e raporteve bazike ose analitike.
• Aftësi të arsyetimit logjik dhe analizës.
• Aftësi për të bërë gjykime profesionale të pavarura dhe për të ushtruar diskrecion mbi çështjet dhe për të dhënë një kontribut të rëndësishëm në zhvillimin dhe zbatimin e politikave.
• Shkathtësi hulumtuese, analitike, vlerësuese dhe formulim të rekomandimeve dhe këshillave profesionale.
• Aftësi komunikimi dhe ndikim personal, përfshirë aftësi për të përfaqësuar.
• Njohja e gjuhës angleze (e obliguar).
  
  
  Dokumentet që duhet të dorëzohen si pjesë e aplikimit dhe mënyrën e dorëzimit të tyre
  • Kopjen e letërnjoftimit/pasaportës/certifikatës së shtetësisë së Republikës së Kosovës.
  • Kopjen e diplomës të kërkuar me konkurs të lëshuar nga institucionet arsimore të Republikës së Kosovës. Nëse diploma është fituar jashtë vendit, vërtetimin e nostrifikimit të diplomës së fituar apo aktin që dëshmon se diploma e fituar është në procedurë të nostrifikimit, me kusht që nostrifikimi i diplomës të dorëzohet deri në momentin e nënshkrimit të aktit për emërim në pozitë;
  • Kopjet e dëshmisë së punësimit(vërtetim/kontratë) të lëshuar nga institucioni përkatës i punësimit për përvojën e punës, që përcakton pozitën e punës si dhe kohëzgjatjen e angazhimit në atë pozitë.Dëshmisë e punësimit jashtë institucioneve publike duhet të mbështet së paku njëra nga dëshmitë si në vijim: pasqyra e pagesave në fondin e kursimeve pensionale apo pasqyra e pagesave të obligimeve tatimore në përputhje me legjislacionin tatimor për të ardhurat personal.
  • Dëshmi që nuk ka në fuqi masë disiplinore për shkelje të rëndë në institucion publik (Kanidatët që janë të punësuar apo kanë qenë të punësuar në institucione publike).
  • Dëshmitë e trajnimeve profesionale të ndjekura apo trajnimeve që aplikuesi i ka realizuar në cilësinë e trajnuesit.
  • Kopjet e dokumenteve tjera që provojnë plotësimin e kushteve për aplikim të përcaktuara në shpalljen e rekrutimit dhe të deklaruara në aplikacion.

Dëshmitë që nuk kërkohen gjatë aplikimit, por në fazën e verifikimit para emërimit

• Certifikatë mbi dënimet penale origjinale e lëshuar nga gjykata përmes së cilës dëshmohet se nuk është i/e dënuar për kryerjen e veprës penale me dashje, jo më të vjetër se(6) muaj nga data e lëshimit.
• Dëshmi se kandidati është i aftë në pikëpamje shëndetësore.
• Dëshmi përkatëse se kandidati ka zotësi të plotë për të vepruar.

Data e daljes së rezultateve të vlerësimit paraprak

• Lista e kandidatëve të cilët plotësojnë kushtet për pranim do të shpallet më së largu deri më datën 16/11/2024, në portalin e rekrutimit elektronik (https://konkursi.rks-gov.net )

Kriteret specifike shtesë

Mënyra e vlerësimit të kandidatëve/aplikantëve

• Testimi me shkrim – maksimumi 70 pikë
• Intervista – maksimumi 30 pikë

Mënyra e njoftimit dhe komunikimit me kandidatët

1. Përmes email dhe portalit për rekrutimi elektronik (https://konkursi.rks-gov.net)

Mënyra e aplikimit

• Përmes portalit për rekrutimi elektronik (https://konkursi.rks-gov.net)

Data e shpalljes së rezultateve përfundimtare

• Në përfundim të vlerësimit të kandidatëve, fituesi do të shpallet përmes portalit për rekrutimi elektronik

(https://konkursi.rks-gov.net). Të gjithë kandidatët pjesëmarrës në këtë procedurë do të njoftohen individualisht në mënyrë elektronike.

Të dhëna shtesë:

• Pas përzgjedhjes së kandidatit fitues, njësia përgjegjëse bën verifikimin para emërimit me qëllim të vërtetimit se kandidatët vazhdojnë të plotësojnë kriteret e konkursit, përmes dokumenteve ne origjinal apo të njësuara me origjinalin.

Komunitetet jo shumicë dhe pjesëtarët e tyre, personat me aftësi të kufizuar dhe gjinia më pak e përfaqësuar kanë të drejtë për përfaqësim të drejtë dhe proporcional në shërbimin civil të Kosovës, siç specifikohet në LZP.

Aplikacionet e dorëzuara pas afatit të paraparë nuk pranohen dhe aplikacionet e mangëta refuzohen