TERMI I REFERENCËS SË PUNËS PËR TRAJNER

Ofertim për ekspertizë;

Trajner për ofrimin e trajnimit;
Korniza për Integrim në Bashkimin Europian dhe Strategjia për përfshirjen e komuniteteve Rom, Ashkali dhe Egjiptian.

Prishtinë, 2024

INFORMACION I PËRGJITHSHËM:

OJQ “Zëri i Romëve, Ashkalinjve dhe Egjiptianëve” (Voice of Roma, Ashkali and Egyptians) me selinë e saj aktuale në Prishtinë, është një organizatë jofitimprurëse që ka për qëllim përmirësimin e kushteve të jetesës së komuniteteve Rom, Ashkali dhe Egjiptian si dhe mbështetjen e vazhdueshme drejt integrimit të tyre në shoqërinë Kosovare përmes avokimit për të drejtat e tyre, përmirësimit të kushteve të banimit, hapjen e vendeve të reja të punës, organizimin e trajnimeve të ndryshme dhe të tjera.

KONTESTI I NDËRHYRJES:

Në Kosovë, OJQ-të që përfaqësojnë dhe mbrojnë interesat e komuniteteve Rom, Ashkali dhe Egjiptian luajnë një rol kyç në avokimin për të drejtat e këtyre komuniteteve dhe në adresimin e sfidave me të cilat përballen, si përjashtimi shoqëror, diskriminimi, dhe mungesa e qasjes në arsim dhe mundësi ekonomike. Këto organizata janë shpesh zëri kryesor në mbrojtjen dhe promovimin e të drejtave të komuniteteve, duke marrë përsipër të adresojnë problematika të ndërlikuara në bashkëpunim me institucionet qeveritare dhe organizatat ndërkombëtare.

Megjithatë, pavarësisht përkushtimit të tyre dhe ndikimit të rëndësishëm që kanë, këto OJQ përballen me nevojën për ngritje të mëtejshme të kapaciteteve dhe zhvillim profesional. Mungesa e burimeve të mjaftueshme, trajnimet e kufizuara, dhe kapaciteti i pamjaftueshëm për të implementuar politika gjithëpërfshirëse dhe avokim të fuqishëm e bëjnë sfiduese për këto organizata të arrijnë rezultatet e dëshiruara në mbrojtjen e të drejtave të komuniteteve Rom, Ashkali dhe Egjiptian.

Projekti synon të adresojë këtë nevojë duke ofruar trajnime të specializuara për përfaqësuesit e OJQ-ve në fusha si avokimi efektiv, përdorimi i mjeteve të mbikëqyrjes së politikave publike, dhe ndërtimi i bashkëpunimeve me institucionet vendore dhe ndërkombëtare. Përmes këtyre aktiviteteve, OJQ-të do të pajisen me njohuri dhe aftësi të reja, duke i mundësuar të jenë aktorë më të fuqishëm në promovimin e të drejtave dhe përmirësimin e kushteve të jetesës për komunitetet Rom, Ashkali dhe Egjiptian në Kosovë.

QËLLIMI SPECIFIK

Qëllimi specifik i projektit "Fuqizimi i Përfshirjes së Romëve, Ashkalive dhe Egjiptianëve”: Forcimi i Kapaciteteve dhe Avokimit të OJQ-ve në Kosovë" është të përmirësojë kapacitetet e përfaqësuesve të OJQ-ve që janë aktorë kryesorë në adresimin e problematikave që përballen komunitetet Rom, Ashkali dhe Egjiptian në Kosovë. Pavarësisht përpjekjeve të deritanishme, këto organizata përballen me nevojën për trajnime të avancuara dhe ngritje të kapaciteteve për të maksimizuar ndikimin e tyre në politikëbërje dhe përfshirjen e këtyre komuniteteve.

Përmes këtij projekti, synojmë të trajnojmë 20 përfaqësues të OJQ-ve për të ofruar njohuri dhe aftësi të avancuara në fushat kritike të dinamikave të pushtetit, Kornizës së Integrimit në BE, dhe Strategjisë për Përfshirjen e Romëve, Ashkalive dhe Egjiptianëve. Kjo do të realizohet përmes organizimit të trajnimeve gjithëpërfshirëse që do të përfshijnë përfaqësues nga institucione të larta dhe diplomatikë, duke ofruar mundësi për zhvillimin e aftësive për të adresuar dhe ndikuar në politikë dhe praktikat e implementimit.

Në këtë kontekst, ne synojmë të forcojmë kapacitetet e OJQ-ve për të ndikuar në politika dhe për të promovuar të drejtat e Romëve, Ashkalive dhe Egjiptianëve, duke ndihmuar në zhvillimin e një shoqërie më gjithëpërfshirëse dhe të barabartë, ku individët Rom, Ashkali dhe Egjiptian kanë mundësi të barabarta dhe janë të mbrojtur nga diskriminimi dhe përjashtimi social.

AUDIENCA DHE PËRDORIMI

Audienca e këtij projekti përfshin përfaqësuesit e organizatave joqeveritare (OJQ) që janë të angazhuar në mbrojtjen dhe promovimin e të drejtave të komuniteteve Rom, Ashkali dhe Egjiptian në Kosovë. Këto organizata janë aktorë kryesorë në adresimin e sfidave dhe problematikave që ndodhin në këto komunitete, dhe janë përfshirë aktivisht në avancimin e përfshirjes dhe integrimit të tyre në shoqëri.

Përfituesit e drejtpërdrejtë të projektit janë 20 përfaqësues të OJQ-ve, të cilët do të marrin trajnime të avancuara në fushat e dinamikave të pushtetit, Kornizës së Integrimit në BE, dhe Strategjisë për Përfshirjen e Romëve, Ashkalive dhe Egjiptianëve. Këto trajtime do t'i ndihmojnë ata të zhvillojnë aftësi të nevojshme për të ndikuar në politikëbërje dhe për të implementuar strategji efektive në mbështetje të komuniteteve të përfshira.

METODOLOGJIA DHE PROCESI

Metodologjia e trajnimeve do të jetë e përqendruar në një qasje gjithëpërfshirëse dhe interaktive për të siguruar që përfaqësuesit e OJQ-ve të fitojnë njohuritë dhe aftësitë e nevojshme për avokim të efektshëm. Procesi dhe metodologjia e angazhimit të trajnerit për këtë trajnim mund të përfshijë disa hapa kryesorë për të siguruar një trajner të përshtatshëm dhe një proces të qëndrueshëm të mësimit. Këtu janë disa nga hapat e metodologjisë dhe procesit të angazhimit të trajnerit:

• Rekrutimi i trajnerit: Procesi i rekrutimit fillon me shpalljen e pozitës dhe identifikimin e kandidatëve të mundshëm. Trajneri i kërkuar duhet të ketë një përvojë të thellë dhe të provuar në fushën e dinamikës së pushtetit dhe avokimit. Ky ekspert duhet të ketë një histori të suksesshme në këshillimin e organizatave civile dhe të shoqërisë civile në mënyrë që të përdorin efektivisht mekanizmat e pushtetit dhe të zhvillojnë strategji të suksesshme avokimi. Eksperti duhet të ketë përvojë në ndërveprimin me institucione publike dhe të jetë i njohur me strukturat dhe procedurat e politikës dhe vendimmarrjes në nivel kombëtar dhe ndërkombëtar sa i përket komuniteteve Rom, Ashkali dhe Egjiptian.
• Seleksionimi dhe intervistimi: Pas marrjes së aplikacioneve, trajneri i përzgjedhur do të selektohet duke u bazuar në kriteret e përcaktuara për pozitën, si përvoja, njohuritë teknike dhe aftësitë e komunikimit. Një proces interviste do të ndihmojë në vlerësimin e aftësive dhe përvojës së kandidatëve për të siguruar që ata janë të përshtatshëm për pozitën e trajnerit.
• Kontrata dhe takimi fillestar: Pas përzgjedhjes së trajnerit të përshtatshëm, do të hartohet një kontratë e punës që përcakton detyrat, obligimet dhe kushtet e punës së tyre. Dokumentet e para, duke përfshirë të dhënat e disponueshme, i jepen trajnerit që do të përzgjidhet.
• Zhvillimi i materialeve të trajnimit: Trajneri do të përgatisë materiale trajnimi të përshtatshme për audiencën dhe përmbajtjen e trajnimit, duke përfshirë prezantime, studime rasti, dhe ushtrime praktike që mbulojnë temat e trajnimit;
• Zhvillimi dhe dorëzimi i trajnimit: Trajneri do të zhvillojë dhe dorëzojë trajnimin bazuar në materiale të përgatitura, duke siguruar një përvojë të mësimit efektive për pjesëmarrësit. Gjatë këtij procesi, trajneri do të inkurajojë pjesëmarrësit të angazhohen aktivisht dhe të ndajnë përvojat e tyre për të pasur një trajnim sa më të suksesshëm.
• Përgatitja dhe dorëzimi i raportit; Trajneri pas zhvillimit të trajnimit do të përgatisë një raport i cili do të përfshijë vlerësimin e pjesëmarrësve mbi trajnimin, progresi i pjesëmarrësve dhe rezultatet e trajnimit, rekomandime për të ardhmen etj.
  

PRODUKTI

Produkti i këtij trajnimi është forcimi i kapaciteteve të përfaqësuesve të OJQ-ve në Kosovë, për të ndikuar në përfshirjen e komuniteteve rom, ashkali, dhe egjiptian si dhe për të ndihmuar në adresimin e sfidave të komuniteteve rom, ashkali dhe egjiptian. Pjesëmarrësit do të përvetësojnë njohuri dhe aftësi të nevojshme për të përdorur dinamikat e pushtetit dhe për të angazhuar institucione kyçe.

Produkti përfshin:

• Njohuri të Avancuara mbi Dinamikat e Pushtetit:
• Shkathtësi në Kornizën e Integrimit në BE:
• Ekspertizë në Strategjinë për Përfshirjen e Romëve:
• Materiale dhe Burime të Avancuara:
• Kuptim i thellë i Strukturave dhe Mekanizmave të Pushtetit: Pjesëmarrësit do të fitojnë një kuptim të qartë të mënyrës se si funksionojnë strukturat dhe mekanizmat e pushtetit në nivel lokal dhe kombëtar, duke përfshirë ndikimin e tyre në përfshirjen e komuniteteve rom, ashkali dhe egjiptian.
• Aftësi për bashkëpunuar me pushtetin: Do të mësojnë strategji dhe teknika për të përdorur dinamikat e pushtetit në mënyrë efektive për të promovuar politika dhe praktika që mbështesin përfshirjen e këtyre komuniteteve.
• Kuptimi i Kornizës së Integrimit në BE: Pjesëmarrësit do të bëhen të njohur me proceset dhe kriteret e integrimit në BE, si dhe ndikimin e këtyre proceseve në përfshirjen e komuniteteve rom, ashkali dhe egjiptian.
• Aftësi për Të Angazhuar me Institucionet Evropiane: Do të zhvillojnë aftësi për të ndërvepruar me institucione dhe aktorë të BE-së për të mbështetur përfshirjen e komuniteteve rom, ashkali dhe egjiptian.
• Kuptim i Strategjisë për Përfshirjen e Romëve: Do të fitojnë një njohuri të thellë të Strategjisë për Përfshirjen e Romëve, Ashkalive dhe Egjiptianëve përfshirë objektivat, masat dhe mekanizmat e saj.
• Aftësi për Të Implementuar Strategjitë: Do të mësojnë si të aplikojnë dhe implementojnë strategjitë për përfshirjen e Romëve, Ashkalive dhe Egjiptianëve, në nivel lokal dhe kombëtar, duke përdorur njohuritë dhe aftësitë e tyre të avancuara.
• Dokumente dhe Udhëzues të Përshtatshëm: Pjesëmarrësit do të kenë akses në materiale trajnimi të përgatitura profesionalisht, që do t’i ndihmojnë në përmirësimin e njohurive dhe aftësive të tyre në fushat kritike të trajnimit.
• Burime për Avokim dhe Ndikim: Do të përfitojnë nga burime dhe strategji për të rritur efektivitetin e avokimit dhe për të ndikuar në politikë dhe praktikë në mbështetje të përfshirjes së komuniteteve Rom, Ashkali dhe Egjiptian.
• Rritje e Kapacitetit për Angazhimin me Aktorët Kyç:
• Aftësi për Të Negociuar dhe Dialoguar: Do të zhvillojnë aftësi për të angazhuar dhe negociuar me aktorë të rëndësishëm, përfshirë përfaqësues të institucioneve dhe diplomatët, për të avancuar çështjet e përfshirjes së komuniteteve Rom, Ashkali dhe Egjiptian.

Pjesëmarrësit do të dalin nga trajnimi të pajisur me njohuri të thella dhe shkathtësi praktike që do t’i ndihmojnë në përmirësimin e avokimit dhe implementimit të strategjive për përfshirjen e komuniteteve Rom, Ashkali dhe Egjiptian në Kosovë.

6. PLANI DHE BUXHETI

Ofertuesi është i lirë të propozojë numrin e ditëve që i nevojiten për përgatitjen e trajnimit, ofrimin e trajnimit dhe raportit përfundimtar të trajnimit. Megjithatë, ne rekomandojmë që numri i ditëve të angazhimit të trajnerit të mos jetë më i gjatë se tetë (8) ditë pune.

7. KRITERET E PERZGJEDHJES

• Diplomë universitare në fushat përkatëse për këtë pozitë;
• Trajneri duhet të ketë aftësi të dëshmuara në ndihmën e organizatave për të rritur kapacitetet dhe për të forcuar aftësitë e tyre në fusha të caktuara.
• Përvojë pune minimum 5 vjet në ofrimin e trajnimeve;
• Aftësi të shkëlqyeshme të komunikimit dhe ndër-personale;
• Aftësi për t’i përmbushur afatet kohore;
• Të ketë përvojë në ndërveprimin me institucione publike dhe të jetë i njohur me strukturat dhe procedurat e politikës dhe vendimmarrjes në nivel kombëtar dhe ndërkombëtar sa i përket komuniteteve Rom, Ashkali dhe Egjiptian.
• Këto kritere do të përdoren për të vlerësuar aplikacionet dhe për të zgjedhur trajnuesin më të përshtatshëm për ofrimin e trajnimit.

8. DOKUMENTACIONI I KËRKUAR /KUSHTET PËR APLIKIM

Të gjithë të interesuarit që i përmbushin kriteret inkurajohen fuqishëm të aplikojnë dhe t'i dorëzojnë dokumentet e mëposhtme në e-mail adresën [email protected]

• CV;
• Referencat e mëparshme;
• Certifikatat dhe diplomat e universiteti dhe Certifikata përkatëse të trajnimeve dhe specializimeve;
• Oferta që detajon buxhetin dhe planin e punës për angazhimin

9. MËNYRA E APLIKIMIT:

Aplikimi duhet të dorëzohet në email adresën e organizatës [email protected],
Marrja në shqyrtim dhe vlerësimi i aplikimeve do të bëhet në bazë të kritereve të përcaktuara në specifikimet e ofertës dhe kushtet për aplikim.

Afati i fundit për aplikim është deri më datë 10 Shtator 2024

Ju lutemi specifikoni subjektin e thirrjes në aplikim!

Çdo ofertë që dërgohet pas afatit të përcaktuar më lartë nuk do të merret parasysh.