Nr. 156-BD/2025

Datë: 26.12.2025

Në përputhje me dizpozitat e Ligjit Nr. 03/L-212 të Punës, Ligjit Nr.08/L-012 për Odat e Arkitektëve dhe Inxhinierëve në Fushën e Ndërtimit dhe Statutin e Odës së Arkitektëve të Republikës së Kosovës për Periudhën e Përkohshme me nr. prot. 842/25 dt.05.02.2025 dhe bazuar në Vendimin e Bordit Drejtues Nr.63-BD/2025 dt. 13.06.2025 Oda e Arkitektëve të Republikës së Kosovës shpall:

KONKURS

(PËR VEND TË LIRË PUNE)

Titulli i punës: Asistent/e Administrativ/e i/e Odës së Arkitektëve të Republikës së Kosovës.

I raporton: Drejtorit Ekzekutiv te Odës së Arkitektëve të Republikës së Kosovës

Kohëzgjatja e emërimit: 4 vjet (me mundësi vazhdimi)

Niveli i pagës: 600 EURO,

Orari i punës: 40 orë punë në javë

Pozita e kërkuar: 1

Afati kohor i aplikimit: 30.12.2025 – 15.01.2026

Institucioni: Oda e Arkitektëve të Republikës së Kosovës

Vendi i punës: Prishtinë

Detyrat dhe përgjegjësit:

• Pune administrative në kuadër të Odës;
• Pjesemarrja ne takimet e organeve te OARK-se,
• Mbajtja e procesverbaleve te takimeve;
• Komunikimin me publikun, web dhe rrjetet sociale;
• Ofron mbështetje administrative për organet dhe anëtarët e Odës;
• Kryen detyra të përditshme administrative të zyrave të Odës;
• Kryen detyra të tjera të përcaktuara nga Drejtori Ekzekutiv.
• Mbështetje në përgatitjen e raporteve dhe prezantimeve.
• Koordinimi dhe administrimi i komunikimit të brendshëm dhe të jashtëm përmes telefonit dhe email-it.
• Ofron mbështetje në menaxhimin e dosjeve dhe arkivave, duke siguruar që informacionet janë të organizuara dhe lehtësisht të arritshme.
• Mbeshtetja e administrates ne organizime te ndryshme te Odes.

Kërkesat e përgjithshme për punësim:

• Të jetë shtetas/e i/e Republikës së Kosovës;
• Të ketë zotësi të plotë për të vepruar;
• Të zotërojë njërën nga gjuhët zyrtare të Kosovës, në përputhje me Ligjin për Gjuhët;
• Të jetë e/i aftë për të kryer detyrën përkatëse;
• Të mos jetë e/i dënuar për kryerjen e një vepre penale për të cilën egziston një vendim i formës së prerë;
• Të ketë njohuri për për menaxhimin e webfaqes, rrjeteve sociale, etj.

Kërkesat e përgjithshme formale:

• Arsimimi i kërkuar: Diplomë e arsimit të lartë
• Përvoja e punës e kërkuar: Së paku një (1) vit përvojë pune në pozita administrative është përparësi.
• Shkathtësitë kompjuterike: Aftësi për të punuar në aplikacionet Microsoft Office, etj;
• Njohja e gjuhës angleze është përparësi.

Kërkesa të përgjithshme (Njohuri, Aftësi, Cilësi, Kompetenca)

• Profesionalizëm;
• Aftësi të mira organizative;
• Orientimi në rezultat;
• Komunikimi efektiv dhe puna ekipore;

Dokumentacioni obligativ që duhet bashkangjitur aplikimit:

• Aplikacioni për Punësim (formati i OARK-së) bashkangjitur konkursit;
• Biografia (CV) (CV-ja duhet të përmbajë sqarime të detajuara lidhur me natyrën e përvojës së aplikantit);
• Kopje të diplomës të kërkuar me konkurs të lëshuar nga institucionet arsimor të Republikës së Kosovës. Nëse diploma është fituar jashtë vendit, vërtetimin e nostrifikimit të diplomës së fituar;
• Vërtetim për përvojën e punës/reference e lëshuar nga institucioni përkatës i punësimit për përvojën e punë, e cila përcakton pozicionin e punës si dhe kohëzgjatjen e angazhimeve në atë pozicion. Se paku nje reference qe dëshmon menaxhimin per komunikim publik në rrjetet sociale,
• Letër motivimi;
• Kopje e letërnjoftimit/pasaportës ( me afat);
• Vërtetim nga gjykata se nuk është dënuar me vendim të formës së prerë për kryerjen e veprës penale me dashje, jo më i vjetër se gjashtë (6) muaj nga data e dhënies;
• Deklarata nën betim (formati i OARK-së bashkangjitur konkursit);

Kriteret e vlerësimit:

• Vetëm kandidatët të cilët plotësojnë kushtet pas vlerësimit të Dokumentacionit nga Komisionit Vlerësues bazuar në Kërkesat e Konkursit dhe të cilët bëhen pjesë e listës së ngushtë, do të njoftohen dhe ftohen t’i nënshtrohen vlerësimit përmes intervistimit.
• Njoftimi mbi Kandidat-in/en i/e suksesshëm-e bëhet në web faqe të MMPHI-së Direktoriumin e ODËS SË ARKITEKTËVE: https://mmphi.rks-gov.net/LicensingProgram/LicensingProgram?type=1101 dhe në faqet zyrtare të OARK-së në Facebook, LinkedIn e Instagram.
• Komunitetet jo shumicë dhe pjesëtarët e tyre dhe personat me aftësi të kufizuar kanë të drejtë për përfaqësim proporcional, siç është specifikuar në Ligj.
• Aplikacionet e dorëzuara pas afatit ose ato të pakompletuara nuk do të pranohen dhe nuk do ti nënshtrohen vlerësimit nga Komisioni Vlerësues.

Dokumentacioni i kompletuar dorëzohet vetëm fizikisht në adresën OARK:

Kompleksi Rilindja,

Kontejneri Nr.3, Zyra Nr. 212

10000 Prishtinë, Kosovë

Ju lutem shënoni në Zarfën e mbyllur:

Aplikim për Pozitën: Asistent-e Administrativ-e i/e OARK-së .

• Vërejtje: Aplikacioni juaj është i vlefshëm nëse merrni mbrapa një Kopje të Aplikacion për Punësim (formati i OARK-së - bashkangjitur) të plotësuar dhe nënshkruar nga ju dhe Protokoluar nga Administrata e OARK-së!

Deklaraten nën betim dhe për fletë aplikacionin për punësim mund ta shkarkoni KËTU

Për info dhe sqarime shtesë mund të na Kontaktoni në:

Tel: +38338606708

E_mail: [email protected]