Artmotion” Sh.p.k. me seli në Prishtinë, Zona Industriale, Rr. “Lidhja e Pejës”, shpalle:

K O N K U R S

Për plotësimin e vendeve të lirë të punës

Pozita: (2) Teknik i Sistemeve Headend

Vendi i punës: Prishtinë

Përgjegjësitë dhe detyrat

• Monitoron funksionimin e sistemeve dhe pajisjeve në Headend – Server Room dhe siguron vazhdimësinë e shërbimeve.
• Mbikëqyr gjendjen e UPS-ve, gjeneratorëve, sistemeve të klimatizimit, kontrollit të qasjes, CCTV-së dhe sistemeve të detektimit të zjarrit, duke raportuar anomalitë tek ekipet përgjegjëse ose kontraktorët.
• Reagon ndaj alarmeve dhe incidenteve teknike dhe ndërmerr veprimet fillestare sipas procedurave operative.
• Kryen kontrolle periodike të pajisjeve dhe sistemeve kritike dhe dokumenton rezultatet e inspektimeve.
• Asiston dhe koordinon punët e kontraktorëve gjatë mirëmbajtjeve, testimeve dhe intervenimeve në Headend.
• Kryen patching, terminim dhe organizim të kabllove LAN, optike (Fiber Optic) dhe HFC sipas standardeve teknike.
• Merr pjesë në instalimin dhe zëvendësimin e pajisjeve të rrjetit.
• Dokumenton aktivitetet e mirëmbajtjes, incidentet, ndryshimet dhe konfigurimet teknike.
• Bashkëpunon me ekipet e NOC, Network, HFC dhe FTTH për zgjidhjen e problemeve teknike.
• Siguron që infrastruktura e Headend-it të operojë në përputhje me standardet e sigurisë dhe procedurat operative.

Kualifikimet dhe kërkesat

• Diplomë e shkollës së mesme në Elektroteknikë, Telekomunikacion ose fushë të ngjashme.
• Njohuri bazike mbi sistemet UPS, gjeneratorët, klimatizimin dhe infrastrukturën mbështetëse.
• Njohuri baziike mbi rrjetat LAN, HFC dhe Fiber Optic.
• Aftësi për diagnostikim dhe zgjidhje të problemeve teknike.
• Gatishmëri për punë në terren dhe intervenime emergjente sipas nevojës.
• Aftësi për punë në ekip dhe komunikim profesional.
• Patentë shoferi e kategorisë B.

Kandidatët e interesuar të cilët aplikojnë për këtë vend të punës, duhet që t’i dërgojnë këto dokumente:

• CV-në,
• Dëshmi mbi përvojën e punës në fushën përkatëse (nëse ka),
• Certifikatat e trajnimeve eventuale (nëse ka),
• Letër rekomandimi apo referenca eventuale (jo e domosdoshme).

Aplikimi bëhet edhe përmes email-it (postës elektronike), në: [email protected] . Kandidatët të cilët aplikojnë në formë elektronike (e-mail), në subjekt duhet të specifikojnë Pozitën.

Aplikimet e pa kompletuara nuk do të merren parasysh.Konkursi mbetet i hapur deri më datën 10.06.2026, Ora 16:00h.