Termat e Referencës (TOR)

Angazhimi i Trajnerit për Zhvillimin e Programit dhe Trajnimin e Alumni Mentorëve

1. Sfondi

OJQ “Zëri i Romëve, Ashkalinjve dhe Egjiptianëve” (VoRAE) zbaton programe të mbështetjes akademike dhe profesionale për studentët e komuniteteve rom, ashkali dhe egjiptian në Kosovë. Përmes këtyre programeve, studentët përfitojnë mentorim, mbështetje akademike, orientim në karrierë dhe mundësi për zhvillim personal dhe profesional.

Për të siguruar qëndrueshmërinë e programit dhe për të krijuar një rrjet aktiv alumni, VoRAE synon të përgatisë studentët e vitit të tretë universitar për rolin e Alumni Mentorëve. Këta studentë do të mbështesin studentët e rinj përmes ndarjes së përvojave, orientimit akademik, motivimit dhe mentorimit.

Për këtë qëllim, VoRAE kërkon angazhimin e një eksperti/trajneri për zhvillimin dhe realizimin e një programi trajnimi për Alumni Mentorë.

2. Qëllimi i Angazhimit

• Qëllimi i angazhimit është zhvillimi dhe realizimi i një programi trajnimi që përgatit studentët e vitit të tretë për rolin e Alumni Mentorit, duke forcuar aftësitë e tyre në mentorim, komunikim, lidership, mbështetje të studentëve dhe transferim të njohurive.

3. Objektivat Specifike

• Të zhvillohen kapacitetet e studentëve për të ushtruar rolin e Alumni Mentorit.
• Të forcohen aftësitë e komunikimit, dëgjimit aktiv dhe mentorimit.
• Të zhvillohen aftësitë për motivimin dhe mbështetjen e studentëve të rinj.
• Të rritet kuptimi mbi etikën, përgjegjësitë dhe kufijtë e rolit të mentorit.
• Të krijohen mekanizma praktikë për ofrimin e mentorimit dhe mbështetjes akademike.
• Të kontribuohet në krijimin e një rrjeti të qëndrueshëm Alumni Mentorësh.

4. Fusha e Punës / Detyrat

• Eksperti/trajneri do të jetë përgjegjës për:
• Hartimin e metodologjisë së trajnimit.
• Zhvillimin e agjendës dhe materialeve trajnuese.
• Përgatitjen e moduleve për mentorim dhe zhvillim personal.
• Facilitimin e sesioneve trajnuese për studentët e vitit të tretë.
• Zhvillimin e ushtrimeve praktike, simulimeve dhe punës në grupe.
• Ofrimin e mjeteve praktike për mentorim të studentëve.
• Hartimin e rekomandimeve për funksionalizimin e rrjetit të Alumni Mentorëve.
• Përgatitjen e raportit përfundimtar.

5. Produktet e Pritshme (Deliverables)

• Eksperti/trajneri duhet të dorëzojë:
• Metodologjinë dhe planin e punës për realizimin e trajnimit.
• Agjendën dhe materialet trajnuese.
• Realizimin e trajnimit për Alumni Mentorët.
• Mjetet praktike dhe rekomandimet për mentorim.
• Raportin përfundimtar me rezultatet dhe rekomandimet.

6. Raportimi dhe Koordinimi

• Eksperti/trajneri do të punojë në koordinim të ngushtë me ekipin e VoRAE dhe do të raportojë te Menaxheri i Programit ose personi i caktuar nga organizata.

7. Kohëzgjatja e Angazhimit

• Kohëzgjatja e angazhimit do të përcaktohet nga eksperti/trajneri, i cili duhet të propozojë numrin e ditëve të nevojshme dhe planin kohor për realizimin e programit të trajnimit.
• Periudha e zbatimit do të përcaktohet sipas marrëveshjes me VoRAE.

8. Kualifikimet e Kërkuara

• Diplomë universitare në Edukim, Psikologji, Menaxhim, Shkenca Sociale ose fusha të ngjashme.
• Minimum 3 vite përvojë në ofrimin e trajnimeve për të rinj ose studentë.
• Përvojë në mentorim, lidership rinor, zhvillim personal ose programe të ngjashme.
• Përvojë në facilitimin e proceseve të të nxënit interaktiv.
• Aftësi të shkëlqyera komunikimi dhe prezantimi.
• Njohuri mbi sfidat e studentëve dhe tranzicionin drejt tregut të punës.

9. Procedura e Aplikimit

• Kandidatët e interesuar duhet të dorëzojnë:
• CV të përditësuar.
• Dëshmi të kualifikimeve dhe përvojës relevante.
• Metodologjinë e propozuar të trajnimit.
• Planin e punës dhe planin kohor.
• Ofertën financiare të detajuar.

10. Vlerësimi dhe Poentimi

11. Etika dhe Konfidencialiteti

Eksperti/trajneri duhet të respektojë standardet profesionale dhe etike gjatë realizimit të angazhimit dhe të trajtojë si konfidencial çdo informacion të siguruar nga organizata ose pjesëmarrësit.

12. Afati për Dorëzim

Afati i fundit për dorëzimin e aplikimeve është:

14 Qershor 2026, ora 16:00

Aplikimet e dorëzuara pas afatit nuk do të shqyrtohen.

13. Kontakti

Emri: Fortesa Shasivari
Pozita: Zyrtare për Edukim
Email: [email protected]

Aplikimet duhet të dërgohen në:

Email: [email protected]

Subjekti i email-it: “Ofertë për Trajnimin e Alumni Mentorëve"