Shield Recruitment & HR kërkon Menaxher i Departamentit të Auditimit të Brendshëm (1 vend pune) për klientin e saj, një ndër institucionet më të mëdha dhe të konsoliduara bankare në vend.

Vendi i punës: Prishtinë

Detyrat dhe përgjegjësitë:

• Harton dhe zbaton planin vjetor të auditimit bazuar në qasjen e riskut;
• Siguron që auditimet zhvillohen në përputhje me standardet ndërkombëtare të auditimit të brendshëm (IIA Standards) dhe rregulloret e BQK-së;
• Informon dhe këshillon Komitetin e Auditimit mbi trendet dhe zhvillimet në praktikën e auditimit të brendshëm;
• Udhëheq dhe mbikëqyr auditorët e brendshëm gjatë realizimit të angazhimeve të auditimit;
• Kryen vlerësimin e sistemeve të kontrollit të brendshëm, menaxhimit të riskut dhe qeverisjes korporative;
• Siguron që aktivitetet e Bankës të jenë në harmoni me të gjitha rregullat ligjore dhe statutin e saj;
• Mbikëqyr zbatimin e vendimeve të Bordit te Drejtoreve dhe të Komitetit të Auditimit të Bankës;
• Mbikëqyr zbatimin e standardeve ndërkombëtare të kontabilitetit;
• Diskuton rezultatet e auditimit të kryer me personat përgjegjës të degës, departamenteve dhe njësive dhe jep këshilla rreth veprimeve që duhet ndërmarrë për përmirësimin e gjendjes;
• Analizon të dhënat, raporton gjetjet dhe jep rekomandime praktike për përmirësim të proceseve financiare, operacionale dhe të menaxhimit të riskut;
• Monitoron zbatimin e rekomandimeve nga auditimet e brendshme, të jashtme dhe nga BQK;
• Siguron mbështetje për kontrollet rregullative dhe auditimet e jashtme;
• Raporton rregullisht Komitetit të Auditimit dhe Bordit mbi statusin e planit vjetor, gjetjet dhe rekomandimet kryesore;
• Zbaton Statutin dhe Manualin e Auditimit të Brendshëm, duke siguruar pavarësi, paanshmëri dhe efikasitet;
• Implementon dhe monitoron standardeve procedurale dhe teknikave të auditimit në fushat operuese të bankës;
• Rishikimin e sistemeve të menaxhmentit dhe të informacioneve financiare, përfshirë sistemin elektronik të informacioneve dhe shërbimet elektronike bankare;
• Rishikimin e saktësisë dhe besueshmërisë së regjistrave të kontabilitetit dhe të raporteve financiare;
• Rishikimin e mjeteve për ruajtjen e aseteve;
• Rishikimin e sistemit të bankës për vlerësimin e kapitalit të saj në lidhje me vlerësimin e rrezikut;
• Vlerësimin e ekonomicitetit dhe efikasitetit të operacioneve;
• Testimin e transaksioneve dhe të funksionimit të procedurave specifike të kontrollit të brendshëm;
• Rishikimin e sistemeve të themeluara për të siguruar pajtueshmëri me kërkesat ligjore dhe rregullative, kodin e sjelljes dhe implementimin e politikave dhe procedurave;
• Testimin e besueshmërisë dhe përpikëshmërisë së raportimeve rregullatorë;
• Përgjegjës për mirëmbajtjen dhe sistemimin/fajllimin e dokumenteve përkatëse në baza ditore;
• Raportim me kohë i incidenteve eventuale të riskut operacional konform procedurave në fuqi;
• Raporton Departamentin përkatës në rast të dyshimeve/zbulimeve lidhur me ndonjë parregullsi qe mund te ndodhin ne lidhje me proceset e punes apo mos zbatimin e politikave dhe procedurave;
• Përmbush objektivat, zbaton dhe respekton Politikat, Procedurat dhe të gjitha aktet e aplikueshme në Bankë;
• Përveç detyrave dhe përgjegjësive të cekura performon edhe në detyra tjera të kërkuara nga Mbikëqyrësi Direkt.

Kualifikimet:

• Diplomë universitare në Ekonomi, Financa, Kontabilitet, Banka ose fusha të ngjashme (Master përparësi);
• Minimum 7 vite përvojë pune në auditim, kontabilitet, financa, kontroll të brendshëm, nga të cilat të paktën 3 vite në rol udhëheqëse/menaxheriale, ose jo më pak se 10 vite përvojë profesionale, në sektorin bankare dhe/ose financiare;
• Të plotësoj kriteret e përcaktuara në Rregullorën për Plotësimin dhe Ndryshimin e Rregullorës për Kontrollet e Brendshme dhe Auditimin e Brendshëm.

Të ketë njohuri mbi:

• Rregulloret e Bankës Qendrore të Kosovës;
• Standardet Ndërkombëtare të Auditimit të Brendshëm (IIA Standards);
• Standardet Ndërkombëtare të Raportimit Financiar (SNRF);
• Menaxhimin e riskut dhe kontrollet e brendshme;
• Çertifikimet profesionale (ACCA, CPA, ose ekuivalente) përbëjnë avantazh të madh;
• Aftësi të shkëlqyera analitike, raportuese dhe organizative;
• Aftësi për të udhëhequr, motivuar dhe zhvilluar ekipe profesionale;
• Aftësi të shkëlqyera komunikimi verbal dhe me shkrim, në gjuhën shqipe dhe angleze;
• Aftësi të shkëlqyera në përdorimin e Microsoft Office (Word, Excel, PowerPoint, Outlook);
• Njohuri praktike mbi softuerë auditimi dhe analiza të të dhënave.

Të gjithë të interesuarit mund të aplikojnë përmes Web faqes së Shield Recruitment & HR https://shieldrecruitment.org/ deri me datë 12 Tetor 2025 në ora 16:00.

Ju do të kontaktoheni vetëm në qoftë se CV-ja juaj do të kualifikohet.

Tek ne CV-ja juaj është e sigurt dhe trajtohet në konfidencialitet të plotë.