TERMS OF REFERENCE (TOR)

Ekspert për hartimin e propozimit:
“Tranzicioni i grave nga asistenca sociale në tregun e punës përmes vetëpunësimit”

1. Sfondi

Organizata VoRAE ka realizuar së fundmi hulumtimin gjithëpërfshirës “Mundësi të qëndrueshme ekonomike për vetëpunësim dhe biznese për gratë nga komunitetet Rom, Ashkali dhe Egjiptiane” (2025), i cili analizoi modelet e qëndrueshme të vetëpunësimit, sektorët me potencial ekonomik, barrierat që përballin gratë, si dhe mënyrat më të realizueshme për zhvillimin e bizneseve të vogla të udhëhequra nga gratë.

Ky studim identifikon:

• barriera të shumanshme (sistematike, institucionale, ekonomike dhe socio-kulturore);
• mungesën e qasjes në financa, mungesën e pronësisë, mungesën e shërbimeve kujdesore dhe kufizimet në mobilitet;
• potencial të lartë për informal skills në fusha si: qepëtaria, shërbimet e kujdesit, prodhimi ushqimor, riciklimi, tregtia me pakicë dhe mikroritailing;
• modele ndërkombëtare të suksesshme nga Spanja, Hungaria, Maqedonia e Veriut, Serbia dhe Shqipëria, të cilat mund të përshtaten në Kosovë.

Duke u mbështetur në këtë bazë të fortë empirike, VoRAE synon të hartojë një propozim të ri strategjik, i cili do të adresojë tranzicionin e grave nga asistenca sociale drejt tregut të punës, përmes vetëpunësimit, sipërmarrjeve të vogla dhe modeleve të qëndrueshme ekonomike.

Për të finalizuar këtë propozim profesional, VoRAE kërkon angazhimin e një eksperti.

2. Qëllimi i Angazhimit

Qëllimi kryesor është hartimi i një propozimi gjithëpërfshirës, i cili:

• Përkthen gjetjet e hulumtimit në një model konkret intervenimi;
• Përgatit një plan të detajuar të veprimit për tranzicionin nga asistenca sociale në vetëpunësim;
• Përgatit një plan financiar të plotë, të realizueshëm dhe të qëndrueshëm;
• Harton seksionet “Rruga Perpara” dhe “Financimin e Qendrueshem” si kapituj kyç për donatorë.

3. Objektivat Specifike

Eksperti do të:

1. Analizojë raportin e hulumtimit dhe të gjitha gjetjet relevante për të dizajnuar modelin e ndërhyrjes.
2. Identifikojë sektorët më të përshtatshëm të vetëpunësimit për gratë në asistencë sociale.
3. Hartojë një model të tranzicionit nga asistenca sociale në vetëpunësim.
4. Përgatisë një plan te veprimit me afate, përgjegjësi, indikatorë dhe rezultate të pritshme.
5. Hartojë një plan financiarme buxhet të detajuar, përfshirë grantet, investimet fillestare, koston e mentorimit dhe trajnimit.
6. Hartojë kapitujt:
   • Rruga perpara (vizioni afatgjatë, zgjerimi, institucionalizimi);
   • Qendrueshmeria Financiare (modelet e qëndrueshme të financimit, partneritetet, fondet).

4. Detyrat dhe Përgjegjësitë

4.1. Analiza dhe integrimi i studimit bazë

Eksperti duhet të analizojë në detaje studimin “Mundësi të qëndrueshme ekonomike për vetëpunësim dhe biznese për gratë nga komunitetet Roma, Ashkali dhe Egjiptiane”

duke:

• përkthyer gjetjet në rekomandime të zbatueshme;
• identifikuar sektorët prioritare (psh, punedore, procesim te ushqimit, shërbime kujdesi, riciklim, biznese mobile);
• ndërtuar një teori ndryshimi të bazuar në evidenca.

4.2. Hartimi i propozimit

Propozimi do të përfshijë:

1. Sfondin (i bazuar në hulumtim);
2. Problematikën dhe analizën socio-ekonomike;
3. Objektivat dhe rezultatet;
4. Metodologjinë e ndërhyrjes (Rruga perpara dhe Financimi i Qendrueshem)
5. Planin e Veprimit;
6. Planin Financiar;
7. Teorine e Ndryshimit;
8. Menaxhimin e Riskut;
9. Monitorimin dhe Vleresimin

5. Rezultatet e Pritshme (Deliverables)

1. Dokumenti i analizës së gjetjeve të hulumtimit.
2. Drafti i parë i propozimit, prezantimi i dokumentit tek menaxhmenti i VoRAEs
3. Versioni final me komentet e inkorporuara.

6. Kualifikimet e Ekspertit

• Diplomë relevante ne fushen e ekonomise,
• Minimum 5 vite përvojë në hartim projektesh dhe planeve te biznesit
• Përvojë në vetëpunësim, ndërmarrësi, zhvillim ekonomik lokal dhe perfshirje sociale.
• Njohuri mbi politikat e punësimit dhe vetpunesimit në Kosovë.
• Aftësi të shkëlqyera analitike dhe te shkruara.

1. Mbikëqyrja dhe raportimi

Eksperti do të punojë në bashkëpunim të ngushtë me zyrtarin e programit dhe do të raportojë tek i njejti deri sa te beje prezantimin e raportit tek nje ekip me i gjere i organizates.

1. Kushtet për aplikim dhe vlerësim

Kandidatët duhet të dorëzojnë:

• CV,
• Mostra të punës paraprake
• Ofertë teknike dhe financiare.

Dokumentacioni i kërkuar dhe oferta financiare duhet te dërgohen përmes emailit në adresën: [email protected] me titull: Tranzicioni i grave nga asistenca sociale në tregun e punës përmes vetëpunësimit.

Afati i aplikimit deri me daten 6 Dhjetor, 2025.