VoRAE – TERMAT E REFERENCËS (ToR)

Angazhimi i trajnerit/es për zhvillimin dhe implementimin e trajnimit:

“Orientimi në Karrierë për Nxënësit Maturantë”

1. Sfondi

Rritja e përgatitjes së nxënësve maturantë për fazën pas përfundimit të shkollimit të mesëm është thelbësore për zhvillimin e tyre personal dhe profesional. Shumë të rinj përballen me paqartësi në përzgjedhjen e drejtimit të studimeve apo karrierës, si dhe me mungesë informacioni mbi mundësitë ekzistuese në tregun e punës dhe arsimin e lartë.

Në këtë kuadër, VoRAE përmes aktiviteteve të saj synon të mbështesë maturantët në orientimin e tyre në karrierë, duke i pajisur me njohuri praktike, aftësi vendimmarrëse dhe vetëbesim për të bërë zgjedhje të informuara për të ardhmen e tyre.

2. Qëllimi i Angazhimit

Qëllimi i këtij angazhimi është përzgjedhja e një trajneri/eje që do të zhvillojë dhe implementojë një trajnim dy-ditor për orientim në karrierë për nxënës maturantë, me fokus në ndihmën e tyre për të identifikuar interesat, aftësitë dhe mundësitë për zhvillim akademik dhe profesional.

3. Objektivat specifike

• Të mbështeten nxënësit në identifikimin e interesave dhe aftësive të tyre
• Të ofrohen informata mbi drejtimet e studimeve dhe mundësitë e karrierës
• Të zhvillohen aftësitë për vendimmarrje të informuar
• Të rritet vetëbesimi i nxënësve në planifikimin e së ardhmes së tyre
• Të prezantohen mundësitë për zhvillim personal dhe profesional

4. Fusha e Punës / Detyrat

• Trajneri/ja do të ndërmarrë detyrat si më poshtë:
• Zhvillimin e modulit të trajnimit për orientim në karrierë
• Hartimin e një agjende dy-ditore të trajnimit
• Facilitimin e trajnimit për nxënësit maturantë
• Përdorimin e metodologjive interaktive (ushtrime, diskutime, punë në grupe)
• Ofrimin e udhëzimeve praktike për zgjedhjen e karrierës
• Përgatitjen e materialeve të trajnimit (prezantime, fletë pune, udhëzues)
• Ofrimin e feedback-ut për pjesëmarrësit

Hartimin e një raporti të shkurtër pas përfundimit të trajnimit

5. Produktet e Pritshme (Deliverables)

• Trajneri/ja do të dorëzojë:
• Modul të strukturuar të trajnimit dy-ditor
• Agjendë të detajuar të trajnimit
• Materiale të trajnimit (prezantime dhe ushtrime praktike)
• Raport përfundimtar mbi realizimin e trajnimit
• Të gjitha produktet duhet të dorëzohen në kohë dhe në përputhje me standardet e cilësisë së VoRAE.

6. Raportimi dhe Koordinimi

Trajneri/ja do t’i raportojë Zyrtares për Edukim në VoRAE. Të gjitha materialet dorëzohen në format elektronik.

7. Kohëzgjatja e Angazhimit

Kohëzgjatja e angazhimit do të përcaktohet nga trajneri/ja i/e angazhuar, i/e cili/a duhet të propozojë numrin e ditëve dhe planin kohor që konsideron të nevojshëm për zhvillimin efektiv të trajnimit, bazuar në metodologjinë dhe përmbajtjen e propozuar.

Periudha e zbatimit: sipas marrëveshjes me VoRAE

8. Kualifikimet e Kërkuara

• Diplomë universitare në edukim, psikologji, shkenca sociale ose fusha të ngjashme
• Përvojë në orientim në karrierë, edukim ose facilitim trajnimesh për të rinj
• Aftësi të mira komunikimi dhe facilitimi
• Përvojë në punë me nxënës të shkollave të mesme është përparësi
• Aftësi për të përdorur metoda interaktive dhe praktike në trajnim
• Njohuri shumë të mira të gjuhës shqipe

9. Procedura e Aplikimit

• Aplikantët duhet të dorëzojnë:
• CV të përditësuar
• Propozim metodologjik
• Ofertë financiare

Shembuj të punës së mëparshme (nëse ka)

10. Vlerësimi dhe Poentimi

Ekspertiza dhe përvoja – 40 pikë

Metodologjia – 30 pikë

Oferta financiare – 30 pikë
Totali: 100 pikë

11. Etika dhe Konfidencialiteti

Trajneri/ja duhet të respektojë standardet etike dhe konfidencialitetin sipas rregulloreve të VoRAE.

12. Afati për Dorëzim

Aplikimet dorëzohen në: [email protected]
Afati për aplikim: 31.05.2026, ora 00:00

13. Kontakti

Emri: Fortesa Shasivari
Pozita: Zyrtare për Edukim
Email: [email protected]